معرفش تقلت عليكم و لا لأ بس المهم أني قلت اللي في نفسي....و البوست ده أخر بوست عن حوا و سنينها.....
الحاجه الوحديه اللي مناقشتهاش هي شغل الست و نزولها الشارع مع انه موضوع حمضان جدا و كل البشر أتكلمو فيه بس معلش بقي....اشمعني أنا!!
ساعات بتبقي في ستات لازم يعتمدو علي نفسهم عشان معهمش راجل....او ساعات بيبقو معاهم راجل بس...أحم, الفلوس مش قد كده...فيبنزلو يشتغلو....لكن للاسف في شريحه كبيره بتنزل عشان سبب غريب جدا:عاوزه احقق ذاتي !!
يعني أيه يعني ؟ فرضا ان انتي عندك موهبه في شغله معينه...ماشي يا ستي أنزلي اشتغلي و قدمي للمجتمع حاجه جديده...
لكن معندكيش اي شيء جديد بتنزلي ليه و تاخدي مكان شباب زي الورد قاعدين عالرصيف مش لاقيين تمن سوجاره كلوباترا !!
نوعيه البنات دول هتلاقيهم بكتره في طب و هندسه......
بياخدو اماكن رجاله في الكليتين دول و بيعلو مجاميعها عالفاضي...ممكن تقولي :ياعم يمكن شطار أديهم فرصتهم!!
او واحده من المحموقين من أجل حقوق المرأه تصرخ:انت رجعي و أمثالك لازم يبطلو يكتبو علي بلوجر!!
بقول للاتنين هدو اعصابكم و أسمعوني عشان مش فاضي للزعيق الفارغ ده.....
الدليل ان 95% من البنات اللي في هندسه مثلا لا يصلحو انهم يبقو مهندسات هو التالي:
هي اصلا متقدرش تشتغل في مجالها عشان هي اصلا مش مهتمه...هي دخلت عشان مجموعها...
السبب التاني أن نصهم عاوزين واحد يظبطهم و يرتبط بيهم و يتجوزو و يقعدو في البيت و توته توته فرغت الحدوته...
السبب التالت ان في بنات في انتاج و سيارات و باور شغلهم هيحتم عليهم أنهم يحتكو بطبقات بنت كذا و كذا و لازم تحوز علي أحترامهم ليها و الا مش هيسمعو أي حاجه من اللي هي بتقولو !!
ده الكلام ده عن هندسه بالذات, قول في طب ممكن...في دكاتره ستات كويسين كتير...
يعني خلاصه الكلام ان ساعات شغل الست بيكون رفاهيه لواحده نفسها تثبت أنها تقدر تعمل كده...
الكلام ده في جميع أنحاء العالم برضو...لما تلاقي ستات ملاكمات و قاعديم بيطحنو في بعض...
أو سواقين تاكسي مثلا معه أنها نادره بس بتحصل...
ادام انتي مكانك مش في مكان معين, ليه تخشيها و تاخدي مكان واحد محتاجها فعلا ؟
متهيالي انا خلصت موضوع المرأه و مش هكتب عنها بالعمق ده تاني......ء
الحاجه الوحديه اللي مناقشتهاش هي شغل الست و نزولها الشارع مع انه موضوع حمضان جدا و كل البشر أتكلمو فيه بس معلش بقي....اشمعني أنا!!
ساعات بتبقي في ستات لازم يعتمدو علي نفسهم عشان معهمش راجل....او ساعات بيبقو معاهم راجل بس...أحم, الفلوس مش قد كده...فيبنزلو يشتغلو....لكن للاسف في شريحه كبيره بتنزل عشان سبب غريب جدا:عاوزه احقق ذاتي !!
يعني أيه يعني ؟ فرضا ان انتي عندك موهبه في شغله معينه...ماشي يا ستي أنزلي اشتغلي و قدمي للمجتمع حاجه جديده...
لكن معندكيش اي شيء جديد بتنزلي ليه و تاخدي مكان شباب زي الورد قاعدين عالرصيف مش لاقيين تمن سوجاره كلوباترا !!
نوعيه البنات دول هتلاقيهم بكتره في طب و هندسه......
بياخدو اماكن رجاله في الكليتين دول و بيعلو مجاميعها عالفاضي...ممكن تقولي :ياعم يمكن شطار أديهم فرصتهم!!
او واحده من المحموقين من أجل حقوق المرأه تصرخ:انت رجعي و أمثالك لازم يبطلو يكتبو علي بلوجر!!
بقول للاتنين هدو اعصابكم و أسمعوني عشان مش فاضي للزعيق الفارغ ده.....
الدليل ان 95% من البنات اللي في هندسه مثلا لا يصلحو انهم يبقو مهندسات هو التالي:
هي اصلا متقدرش تشتغل في مجالها عشان هي اصلا مش مهتمه...هي دخلت عشان مجموعها...
السبب التاني أن نصهم عاوزين واحد يظبطهم و يرتبط بيهم و يتجوزو و يقعدو في البيت و توته توته فرغت الحدوته...
السبب التالت ان في بنات في انتاج و سيارات و باور شغلهم هيحتم عليهم أنهم يحتكو بطبقات بنت كذا و كذا و لازم تحوز علي أحترامهم ليها و الا مش هيسمعو أي حاجه من اللي هي بتقولو !!
ده الكلام ده عن هندسه بالذات, قول في طب ممكن...في دكاتره ستات كويسين كتير...
يعني خلاصه الكلام ان ساعات شغل الست بيكون رفاهيه لواحده نفسها تثبت أنها تقدر تعمل كده...
الكلام ده في جميع أنحاء العالم برضو...لما تلاقي ستات ملاكمات و قاعديم بيطحنو في بعض...
أو سواقين تاكسي مثلا معه أنها نادره بس بتحصل...
ادام انتي مكانك مش في مكان معين, ليه تخشيها و تاخدي مكان واحد محتاجها فعلا ؟
متهيالي انا خلصت موضوع المرأه و مش هكتب عنها بالعمق ده تاني......ء
8 comments:
اولا كويس انك شايف ان المرأة من حقها تشتغل وده من غير دعوة للمساواة لكن فكرة انها بتاخد مكان غيرها مش صحيحة لان هما الاتنين كانو في ثانوي مع بعض ودافع الشاب للتفوق اكبر ومع ذلك هي تفوقت عليه ولو تستحق مكانها هتستمر فيه وتبدع وانا معاك ان احنا لازم نختار المكان المناسب لينا بغض النظر عن المجموع ولكنها سياسة فرضت علينا تشكو منها الانثى قبل الذكر وفي النهاية كله مقدر ومكتوب
هو ايه اللى البنت أخدت مكان ولد وعلت المجاميع؟
هو دا بانهى منطق اصلا؟ ان البنات فى دخلها الجامعات عالة على الولاد.. لذلك هى ادت الى كيت وكيت؟
بعدين مين اللى قال لك ان 95% ان بنات هندسة لا يصلحوا يبقى مهندسات
امال بيتخرجوا ازاى؟؟
وليه ماتقلشى عن الولاد اللى يتكلم فى الكلية 12 سنة ورا بعض.. دول ما بيخدوش مكان بنت ممكن تدخل وتتفوق؟
ثم انما على اى اساس جبت استنتاج ان 95% من بنات هندسة لا يصلحوا؟؟؟
هو سؤال معلش.. انت اساسا شفت تكافوء فرص فى العمل البنات زى الولاد عشان تقول لا يصلحوا؟؟
طب انا يا سيدى خريجة السنة دى هندسة.. وعايزة اشتغل مهندسة.. ولا نفسى اظبط ولا اتجوز واقعد فى البيت.. ابص الاقيلك 95% من الاعلانات اللى نازلة عن وظايف اساسا عايزة ولاد مع ان تخصصى لا هو مكانيكة ولا حتى مدنى
تسميه ايه دا
!!
الشغل دا رزق من عند ربنا.. تبقى لسا تلميذ وبتشتغل، وتبقى بامتياز وعاطل فى بيت اهلك
وتبقى بدل متخلف بتقعد البنت فى البيت لان 95% من خريجيها مايصلحوش يشتغلوا بالشهادة اللى تعبوا فيها خمس سنين ، وتيجى ع البلد نكسة واساسا كل الشركات اللى موجودة تقفل.. ابقى دور على شغل لرجل
وبعدين حاجة معلش يا استاذ افتكسات
هل انت متخيل ان مرتب رجل لوحده فى العصر اللى احنا فيه يكفى ان اسرة تتفتح؟؟؟
شكرا يا رنوش عالتعليق
اما بقي لست أدري ....
أول حاجه أنا في هندسه فعارف أنا بقلك أيه...و بقالي 5 سنين فشفت اللي ميتشفش
من ناحيه بيتخرجو أزاي فبيني و بينك الكليه بتساعد علي الحفظ و قليل جدا لما بتفهم الواحد صح, كل اللي بناخده مجرد معلومات بتفتح مداركنا و بتخلينا نبص للأمور نظره هندسيه
تاني حاجه حكايه ال 12 سنه دي ضحكتني لكن ما علينا
قبل اي حاجه أحب أقولك ان أمي مهندسه و اشتغلت 20 سنه و بقت مديره في شركه النصر للتليفيزيون قبل ما تطلع عالمعاش يعني أنا عارف الست ممكن تحقق أيه لو جتلها الفرصه
لكن تعالي بقي للجيل بتاعنا أنا و أنتي شوفي البنات عاملين أزاي
لو المفروض تروح تدريب و هي بتدرس يستحسن يكون في شركه قرب البيت
لو هتشتغل في مصنع,ممكن تقول: ياي مقدرش أحتك مع العمال فمش هشتغل في المصانع و القرف ده
لو هتنزل موقع في حته شمس و حر هتقول اوففف معندكوش تكييف و لا ايه هنا !!
يعني من الاخر دلع بنات...معندهمش حاجه أسمها شغل يعني شغل...عشان كده الاعلانات بطلت تدور علي ستات, عشان الراجل يعتمد عليه في معظم الاوقات
أخر حاجه شكرا علي تعليقك
و يا ريت تكونو قريتو السلسله من أولها
انا معاك حتى لو قالوا اننا رجعيين ومتخلفين وولاد كلب واخوات ابوجهل فى الرضاعة وكل الكلام الفارغ ده
وتعالوا نحسبها بالعقل
احنا عندنا بطالة بين الشباب والبطالة دى عاملة مشاكل للصبح لدرجة انها مشكلة ممكن تودى البلد فى داهية اكتر ماهى
الشاب اعباءه المالية اكتر من البنت بكتير جدا لانه عايز يتجوز ويكون اسرة ويفتح بيت وطبعا مش بيلاقى شغل ويقعد على القهوة يفتح النت ويتفرج على الدش ويشوف النسوان واللى عاملينه فى الشارع ولما يفيض بيه ويمد ايده على حد فيهم تصوت وتولول وويقعدوا بقى يقولوا تحرش وذئاب بشرية ومش عارف ايه
الحل بسيط احنا عندنا ستات كتيرة فى الحكومة من الحجم التخين ده اللى تلاقيهم قاعدين شغالين نميمة عالفاضى وتقشير بطاطس وتقوير كوسة وخلافه
طيب ليه لا الستات تطلع على المعاش فى سن مبكر ويبقى الأولوية فى العمل للشباب اللى مش لاقى شغل ايه المانع فى كدة؟ ده مش من قبيل إهانة المرأة ولا التقليل منها انما ده من قبيل تقدير الامر الواقع والتعامل معاه
انا قلت قبل كدة انى ضد المساواة مش تحقيرا للمرأة ولكن لان ظروف الاتنين مختلفة هو ينفع نساوى مثلا بين السكر والشاى؟ دول حاجتين مختلفين انما بيكملوا بعض
ايه وجه الاهانة للمرأة فى الكلام ده؟
شكرا على شجاعتك فى اثارة الموضوع ده انا قلته قبل كدة وخدت شتيمة للصبح وواحدة قالتلى انتوا مجتمع ذكورى متعفن ولغاية دلوقتى مش عارف معنى الكلمة دى ايه
:)
انت دلوقتى بتتكلم عن فئة صغيرة جدا فى هندسة لو سمحت معلش
يعنى مش 95%
عشان اللى بيشتغلوا فى المصانع اساسا ولا بينزلوا ارض العمل جزء صغير جدا من باقى تخصصات هندسة
وغالبا مدنى اللى بيقوم على الاشراف فى الموقع، واتصالات الجزء المختص برضو بالاشراف على بناء المواقع، ويمكن بعض اقسام ميكانيكة، وللعلم نسبة البنات اللى بتروح قسم ميكانيكة -مثلا- اقل من 10%
دا انا اللى اسمى اتصالات، نسبة البنات عندنا لا تتجاوز الــ30%..
ونسبة الشغل فى الموقع عندنا لا تتجاوز 10% برضو..
وفى الآخر تلاقى الاعلان نازل مطلوب رجل
مع العلم ان فيه من نسة الــ30% بنات فى الدفعة عندهم استعداد للعمل فى الموقع ومش بيقولوا ياي زى ما حضرتك بتقول
ثم انما عندى سؤال، هو رب العمل له ايه غير النتيجة فى الآخر
يعنى انت عملت الالى ولا عجين الفلاحة حتى، لما يلاقيك فى الآخر نفذت الــ
task
المطلوبة منك فى نهاية الفترة اللى معطيهالك، يبقى لو انت ولد ولا بنت تفرق معاه ليه؟
انما هى نفس النظرة السطحية اللى انت بتتكلم بيها.. مع العلم انك جبت مثال والدتك
ومين ادراك ان مثال زى والدتك مش موجود لحد دلوقتى وكتير؟
معلش بس ممكن اعرف هو انت فى انهى هندسة بالظبط؟ يعنى من غير اسماء، بس هى حكومى ولا خاص.. ولو مش عايز تجاوب براحتك برضو
بس احب اقول لك انه فى احصائياتك المزعومة ظلم، وتقليل من شأن المرأة
و حقيقى مش ناوية اقول كلام مجعلص زى "مجتمع ذكورى متعفن" لاننى مؤمنة ان المرأة هى السبب الرئيسى فى ترصيخها مبادئ النظرة الثانوية لها
عموما.. مسيرك فى يوم تغير رايك
بى اس: لاء ماقراتش باقى السلسلة
بجد يا كاسبر تعليقك زي العسل و شكرا
اما لست أدري كلامك لذيذ جدا و عندك حق في حاجات كتير
بس خلي بالك أني مش هيئه الاحصائيات العامه و لا شغال مع التعداد و لا اي حاجه يعني 95 في الميه دي رقم جزافي انا بس بقوله عشان عاوز أقول 4\3 اللي بيدخلو
يعني ممسكتش الاله الحاسبه و اقعدت اضرب في ارقام و احسب عددهم
ممكن يكون عندك حق و ربنا يهدي سر الجميع و شكرا علي تعليقك و علي فكره أنا افخر اني أكون في هندسه حلوان مع أني شفت منها الويل
و علي فكره دي قاعده ثابته في معظم كليات مصر مش عندنا بس
ممكن أنتي و كتير غيرك عندهم الحماس أنهم يشتغلو بجد بس في أكتر بكتيييير مش عاوزين يتعبو نفسهم
شفتهم كتييير جدا و كاسبر عنده حق, أحنا عاوزين نفتح بيت لكن انتو كده كده في حد في الاخر بيصرف عليكو و طبعا هقولك ايوه في أوقات كتير الست بتحتاج تصرف علي نفسها او تشارك في المرتب مع جوزها عشان الحياه اللي احنا عايشنها دي
بس خلي بالك ان في تريليون شاب عاطل عاوز يتجوز و اكيد عددهم اكتر من اللي عاوزين يشاركو بمصروف البيت أو عاوزين يصرفو علي نفسهم
و بجد لازم تقري كل اللي كتبته عن المرأه عشان بس تعرفي انا قصدي ايه من السلسله دي و علي فكره كلنا ليلي دي فكره جامده جدا جدا
هههههههههه ايه الكلام دا ياتسلا من حق الستات أنهم يتصرفوا في حياتهم زي ماهما عايزين وايه رأيك بقى انا بحب الست اللي تشتغل عن الست اللي تستني رجل ييجي يصرف عليها وتبقى بالنسباله مجرد خدامه ومربيه لولاده
البطاله مالهاش علاقه بنزول المرأه لسوق العمل البطاله سبابها الأول استمرار عمك مبارك في الحكم
تحياتي ليك ياتسلا D:
ih da:|
makan gheirha?!!!
y3ny wa7da te3bet we et3alemet we da5alet l koleya w gabet magmoo3 aktr
msh zaby enaha azka mn welaad kteeeeeeeeer
hya 7orra asln b3d kda teshtaghal mateshtaghalsh
wba3dain feeha ih lamma te7a2a2 zat-ha madeek shayef kolohom gbyetgawezo welaad ma3andohomsh mas2ooleya w byetala2o b3daha be yomeen law makansh m3aha shehad amo7tarama kan zamanha etzalelet le ahlo!!
asln l welaad sorry fl klma handohm na2s w bybararo fashalhom bel banaat eli wa5deen makanhoom
matesma3sh 3an 7aga monafsa ya mo7taram?
lw enta kof2 hata5od mkaan l bent lw msh kof2 msh hata5odhaa
w b3dain lw klamak da sa7ee7 kan zmaan fe shoghl kteeeeer w msh la2yeen 7ad yeshtaghalo
manto welaad ahoo btet5arago w bte23odo 3l ahawyy b3d l ta5arog
walla l bnaat kmaan za7mookoo fl shoghl??
heya kmaan mn 7a2aha tesref 3la nafsaha 3shaan maygeesh 7ad wyzelahaa
w b3dain ana o5ty fe handasa bemeet ragel mn l **** eli m3aha fl colg
bent bteshtaghal w 3ndaha tmoo7 w 3yza teb2a 7ga kwayesaa
m3aha wa7da msh 3yza teshtaghal b3d l koleya bs da bl zbt zy l walad eli bys2at fl koleya aw elli by5alas w byshtaghal fe 7etta tanyaaa
eeeeeeeeeh l 3onsoreyaa deeeeeee
kamaaan 3ayezeha to23od fel beeeeeeet
Asln e7na 3ndena mo3zam l awa2el bnaat
msh 3shaan l 7efz zy manta bet2ool laken 3shaan merakzeen w 3ndohom mas2ooleya
msh zanby en walad tool l nahaar 3maal yezabat wtfarag 3la msh 3rfa ihhhh w b3dain yerga3 ye3ayat wy2ool l banat 5ado 7a222yyyyyyyy :@:@:@:@:@:@:@:@:@:@:@:@:@:@
5alaaaaas weselt l daraga mn l 3onsoreya w ta7meel fashalko 3la l a5areen lel daraga l 3ageeba de?!!!
am sorry Serag no offense bs ana lw shoftak fl share3 hadrabak and i mean it!!!!
Post a Comment