رمضان علي الطريقه الامريكيه

كل سنه و انتو طيبين يا جماعه...
زي كل سنه في رمضان ماما امريكا حضرتلنا حاجه جديده...
من سنتين كده كان زوربيا و من قبليها كان هاي فايف...
دلوقت في فايس بووك...
الاول كنت مش مقتنع بيه و بعد كده أبتديت اخش عليه و (أدعبس) ف الموقع بطريقتي...
اكتشفت أنه ظاهريا طريقه جديده عشان تعرف اخبار اصحابك و اصحاب صحابك...
لكن تحت الطبقه التخينه من الخداع و الضحك عالناس أكتشفت أنه طريقه جديده عشان الناس مخهم يفضل تافه و سطحي...
أيوه ممكن نقعد شويه كده نهيس عليه نص ساعه و لا حاجه كل يوم...
لكن ان الناس تخش عليه كل شويه دي اللي حاجه غريبه بصراحه...
و ان الناس ترفع حواجبها لفوق متر لو واحد قالهم : ايه فايس بوك دا ؟ دي حاجه أغرب...
و لما اقول لواحد بصراحه مش عاجبني الموقع أوي يعني يبص لي بقرف دي حاجه اغرب و أغرب....لكن ما علينا...
يعني دلوقت رمضان مليان بالطرق الامريكيه ال(عظيمه) عشان تسلي صيامك....
م س ن مسنجر, ياهو مسنجر...زوربيا, هاي فايف, فايس بوك,يو تيوب....
و طبعا مننساش الافلام الامريكاني اللي شغاله علي ودنه علي م ب سي 2....
يعني بصراحه الواحد مش محروم من حاجه...
سيبك بقي من الجزيره الوثائقيه اللي فيها برامج تزهق بالذات في رمضان...
و سيبك من الكتب بقي, بلا قرايه بلا وجع دماغ...
بصراحه أحب أشكر جميع المفكرين و مطورين البرامج الامريكان من نشر ثقافتهم المنيره علي أنحاء الانترنت...اللي هو من أختراعهم برضو...
و كل رمضان أمريكاني و انتم طيبون........ء

عندما تنزل المرأه تشتغل

معرفش تقلت عليكم و لا لأ بس المهم أني قلت اللي في نفسي....و البوست ده أخر بوست عن حوا و سنينها.....
الحاجه الوحديه اللي مناقشتهاش هي شغل الست و نزولها الشارع مع انه موضوع حمضان جدا و كل البشر أتكلمو فيه بس معلش بقي....اشمعني أنا!!
ساعات بتبقي في ستات لازم يعتمدو علي نفسهم عشان معهمش راجل....او ساعات بيبقو معاهم راجل بس...أحم, الفلوس مش قد كده...فيبنزلو يشتغلو....لكن للاسف في شريحه كبيره بتنزل عشان سبب غريب جدا:عاوزه احقق ذاتي !!
يعني أيه يعني ؟ فرضا ان انتي عندك موهبه في شغله معينه...ماشي يا ستي أنزلي اشتغلي و قدمي للمجتمع حاجه جديده...
لكن معندكيش اي شيء جديد بتنزلي ليه و تاخدي مكان شباب زي الورد قاعدين عالرصيف مش لاقيين تمن سوجاره كلوباترا !!
نوعيه البنات دول هتلاقيهم بكتره في طب و هندسه......
بياخدو اماكن رجاله في الكليتين دول و بيعلو مجاميعها عالفاضي...ممكن تقولي :ياعم يمكن شطار أديهم فرصتهم!!
او واحده من المحموقين من أجل حقوق المرأه تصرخ:انت رجعي و أمثالك لازم يبطلو يكتبو علي بلوجر!!
بقول للاتنين هدو اعصابكم و أسمعوني عشان مش فاضي للزعيق الفارغ ده.....
الدليل ان 95% من البنات اللي في هندسه مثلا لا يصلحو انهم يبقو مهندسات هو التالي:
هي اصلا متقدرش تشتغل في مجالها عشان هي اصلا مش مهتمه...هي دخلت عشان مجموعها...
السبب التاني أن نصهم عاوزين واحد يظبطهم و يرتبط بيهم و يتجوزو و يقعدو في البيت و توته توته فرغت الحدوته...
السبب التالت ان في بنات في انتاج و سيارات و باور شغلهم هيحتم عليهم أنهم يحتكو بطبقات بنت كذا و كذا و لازم تحوز علي أحترامهم ليها و الا مش هيسمعو أي حاجه من اللي هي بتقولو !!
ده الكلام ده عن هندسه بالذات, قول في طب ممكن...في دكاتره ستات كويسين كتير...
يعني خلاصه الكلام ان ساعات شغل الست بيكون رفاهيه لواحده نفسها تثبت أنها تقدر تعمل كده...
الكلام ده في جميع أنحاء العالم برضو...لما تلاقي ستات ملاكمات و قاعديم بيطحنو في بعض...
أو سواقين تاكسي مثلا معه أنها نادره بس بتحصل...
ادام انتي مكانك مش في مكان معين, ليه تخشيها و تاخدي مكان واحد محتاجها فعلا ؟
متهيالي انا خلصت موضوع المرأه و مش هكتب عنها بالعمق ده تاني......ء

عصر الحريم راجع

الجزء الخامس (قبل الاخير)

أنا: هما الحريم بيبقو كده ساعات
ساره(بأستنكار) : أيه دااا ؟؟!!
أنا:أيه.....مالك ؟
ساره:ايه حريم دي ؟!!هوا أحنا عبيد ؟؟!!
انا: بصراحه في بنات بشوفهم بيخلو الواحد يفكر كده!!ء

***************

مهند:يا بني في مارينا مش محتاج تروح تظبطهم, هما اللي هييجو يظبطوك...ء

*****************

مدون(لا داعي لذكر أسمه): الشباب بقي مش قادر يستحمل...شوفو انتو بتلبسو ايه في الشوارع!!

واحده بتعلق: و احنا مالنا !! اللي مش عاجبه يبص الناحيه التانيه!!!ء

*****************

بعد كل الحواديت دي و بعد كل البوستات اللي أنا بعتها عن حوا...جه وقت اني أقول شويه كلام في نفسي من زمان, عشان المره الجايه هي الاخيره ان شاء الله....
في ناس بقم يبصو للستات علي أنهم مجرد وعاء جنسي يشبع فيه رغباته و شكرا, و دي حاجه في ستات كتير بيشتكو منها...
لكن المسئول عن الكلام ده هي المرأه نفسها !!تعالو نعدي علي الكليات كده...عشان فيها الجيل الجديد من البنات اللي هيتخرجو و يشتغلو و يبقو (في المشمش) امهات....
أكتر من نص اللي متحجبين, متحجبين غلط, و اللي مش متحجبه في معظم الاوقات بتعمل حاجات اقل حاجه تتقال عليها أنها حاجات تكسف...
لو سألت اي واحده فيهم ليه كده هتقولك: و فيها أيه...انا حره!! أو ايه قله الادب دي, ده انا محترمه أكتر منك!!
و مش بعيد تعيط ال يعني مشاعرها أنجرحت...مع أن هي اصلا من جواها عارفه أنها غلط...
و بعد كده المفروض الشباب يفكرو ازاي ؟ اكيد معظمهم هياخد البنت بجسمها و شكلها مش بعقلها,لأن هي اللي ادتله الفرصه...
و فكر في اللي هقوله ده:
لما تفتح مزيكا تلاقي موديلز من كل شكل و لون بيتش..قصدي بيترقصو...
لما تلاقي بنات اعدادهم في الليمون ماشيين بهاف ستوماك و بنطلون مقاس اختها الصغيره...
لما تلاقي كميه غير طبيعيه من البنات بقم يستريحو في لبس البيكيني...
هتكون ايه وجهه نظرك عن -سوري- الحريم !
هتقول يا سلام علي الحريه!! و لا يا سلام علي فكر المرأه العالي!!
و لا هتقول ايه الحاجات الحلوه دي !!

و لما تحصل تحرشات جنسيه الدنيا تقوم و متعدش !!أمال ايه المتوقع ؟ ان الشباب يكبتو اللي جواهم ؟ في ناس هتكبت لكن في ناس أخلاقها مش هتساعدها و ده شيء طبيعي جد لأن مهما تقدم الانسان غرائسه الاساسيه لسه عايشه جواه..ساعات بيتحكم فيها و ساعات مش بيقدر...و متقوليش الكلام بقي بتاع ايه اللي يفرق الانسان عن الحيوان و الديباجه دي...
لأن شيء طبيعا جدا لما تحط البنزين جنب النار الدنيا هتفرقع!! عشان دي خصائصه (الطبيعيه)
أنا مش بدافع عن التحرش لا سمح الله, أنا بس بقول ان التحرش نتيجه لعوامل محدده...طبعا في حالات فرديه لبنات كانو محترمين و كل حاجه, بس مش بيعبرو عن الأغلبيه من التحرشات......
بس المتحرش ده تم غسيل مخه عن طريق الافلام و الدش و الشارع و الاعلانات و النت...بقي بيشوف لحم رخيص في كل حته...مستني منه ايه ؟
و بعد كل ده.....أنا مستغرب ان في ستات في مصر بيتكلمو عن اضطهاد المرأه !!
لأ و الاغربأن في تانيين بيتكلمو عن تفوقها و ريادتها!! تفوق في ايه محدش عارف...

التصريح الاول صح بس زي ما الراجل غلطان فيه, الست هي اللي أديتله الفرصه....
و التاني بقي ممكن أقوله...هاهااااي!

و عشان يبقي فيه موضوعيه...في كبت بيحصل للبنات بطريقه جامده...يعني البنت بتعامل كأنها كرسي لا يستطيع التفكير أو الاعتماد علي نفسه...
انا ليا واحد صاحبي بيوصل اخته معظم الدروس و ابوه بيوصلها الباقي...الكلام ده جميل جدا لو الدرس بعيد عن البيت أو مثلا الدنيا ليل و متأخره....
الغريبه أن الدرس جنب بيتهم و بيبقي الساعه 5 !!
ده غير بقي الخروج...البنت متعدش برا البيت بعد الساعه سبعه مثلا و في ناس بيقفلوها علي 6 !!
الغريبه اننا في 2007 و لسه في ناس بتفكر كده...
طبعا عشان كده - من غير مزعل حد - في بنات كتير من بره هلا هلا و من جوه يعلم الله...يعني البنت تلاقي شكلها كوتوموتو خالص و محترمه و كل حاجه...و مثلا ساعات تلاقيها بتشيش مع صاحباتها في حته بعيده عن البيت...
او تلاقيها بتشرب سجاير من ورا اهلها...كل ده من رأيي نتيجه لكبتها, فتبقي عاوزه تتمرد..
عاوزه تعمل حاجه محرمه عليها بغرض العند مش أكتر...
انا ليا واحد صاحبي كان مسافر تبع الكشافه المصريه لأنجلترا, و معاه 30 الف شاب من جميع أنحاء العالم...طبعا كل بعثه من كل دوله بتسافر مع بعضها, البعثه الهولنديه مع بعضهم و التركيه مع بعض و المصريه و ...و ...و...
قالي يا بني أحنا اتعرفنا علي بعض كلنا ولاد و بنات في الطياره...بس لما نزلنا في المطار و طلعنا و بقينا في أنجلترا.... في بنات قلت عليهم كويسين جدا أتفاجأت انهم بيطلعو من الشنط خراطيش سجاير !!خراطيش مش علب!!
يعني من الاخر جوه بلدها و الناس عارفاها خضره الشريفه...لما تسافر بقي تعمل اللي هي عاوزاه!!
ده غير ان في بنات ساعه السفر كانو بيودعو ولاد بالحضن !! مستحيل كانت تعمل كده في مصر حتي لو وسط مكان محدش عارفها فيه...
يعني من الاخر لولا أن في تقاليد و أعراف حاكمه بنات كتير(مش كل البنات أكيد) , كان زمانهم عملو اللي ما يتعمل!!
أنا عارف أن الكلام ده ممكن يزعل بنات كتير بس للاسف هي دي الحقيقه المره و في ناس كتير عارفاها ولاد و بنات....
خلاصه القول من غير رغي كتير ......شكل عصر الحريم راجع !!

و هكمل الجايه ان شاء الله

نهضتها

في حين ان المرأه الغربيه كافحت من أجل حقها الشرعي في الانتخاب و ذاقت الامرين من معارضه و عرقله و...و...
لم تبذل المراه العربيه أدني مجهود...أو ربما بذلت لكن ليس بالقدر الكافي علي الاطلاق, ففي مصر مثلا كافح الشيخ محمد عبده و قاسم أمين من أجل أن تتعلم المرأه و تعامل بشكل ادمي لائق بدلا من الحياه الصعبه المهينه التي تعيشها...لم تهتم المراه بكل هذا و لم نحرك ساكنا...
طب نفترض ان قاسم امين متولدش ؟ كانت الست هتفضل كده ؟
عالعموم مش ده موضوعنا, المهم أن المرأه العربيه حصلت علي حقها في التصويت في وقت متأخر جدا عن كل العالم و بعد وفاه قاسم امين بفتره طويله جدا....طبعا الحق ده معملتش بيه حاجه, لأنها اصلا مش عاوزه تشارك في الحياه الانتخابيه أو تغير المجتمع أو اي حاجه من الكلام ده...
المراه الشرقيه عاوزه تعيش الحياه اللي انحرمت منها....عاوزه تبقي زي اختها الغربيه...عاوزه تلبس ميكرو و ميني و تخرج ترقص و تصاحب و تلبس مايوهات و تتباس في الافلام و تتمدن بقي !!
و مكدبتش خبر و عملت كل ده ....(و اللي مش مصدق يسأل اي جد ليه عنده 70 أو 90 سنه كده...او يتفرج علي أفلام ابيض و أسود اسهل)
بس طبعا من غير متفكر هي بتعمل كده ليه..و هي ممكن تكون معزوره, عشرات السنين من الكبت تعمل أكتر من كده...بس المشكله أنها تعرف أمتي تقف وتفكر في مجتمعها و أزاي تبنيه و تساهم في نهضته...لكن للاسف بعد اما أتعودت عالحياه السهله دي من الخروج مع الرجاله و الحفلات و السهرات و اللبس الضيق و القصير و المفتوح ظهر جيل جديد تماما عمره ما ظهر في تاريخ الامه الاسلاميه...
الجيل قبل قاسم أمين و بنت الشاطيء كن صحيح مش واخدين حقهن بس كن أمهات بيربو صح و عارفين مسئوليتهم...
اما الجيل اللي بعدهن...ممكن نسميه جيل الانفتاح اللي عاوز يعيش اللحظه و مش مهم كل حاجه تانيه...
خلو بالكو ان من 1918-1945 تقريبا كان وقت مصيري, كان عصر الاله البخاريه و التقدم التكنولوجي الرهيب...و احنا متكتفين..
ستات مش عارفين ياخدو حقهم و ستات تانيين ابتدو ياخدو حقوقهم بس مش كلها.....
و بلاد تحت الاحتلال و أزمه كبيره جدا لابد من ظهور جيل قوي يشيل كل ده علي كتافه..
لكن كل ده مش هينفع يتم و كله بيبعد عن الدين و بيتمسح في عادات و تقاليد اوروبا (الجديده)
نفس الموضوع كان عندهم في اوروبا بس بأختلاف شديد جدا...
الغرب كان عنده تقاليده و كان في التزام و احترام عند الجميع و الاخلاق كانت موجوده بشكل قوي...لكن عشان المرأه اخدت حقها في التصويت في بلاد كتير, ابتدت تتجرأ...أبتدت تقص شعرها..أبتدت تشرب سجاير...ابتدت تسكر...
عاوزه تقول انا اهو...و اقدر اعمل كل ده...
عاوزه تجرب حاجات كانت محرمه عليها....
و مع اندلاع الحرب العالميه الاولي كان في اعداد كبيره جدا من الشباب بيموتو عالجبهه عشان سبب تافه جدا و كلهم كانو بيدفعو تمن غلطه جيل كبير متهور....و ده كان شيء خطير جدا لأنه يعني عدم وجود اعداد كافيه من الشباب عشان يتجوزو البنات الموجوده....
و لأن الحرب العالميه الاولي مات فيها مئات الالاف اذا مكانش ملايين...البنات قررو انهم ميقدروش يستنو زي زمان, لأنهم كانو زي عندنا بالضبط البنت كانت بتقعد في بيتها تستني زي ما كانو بيقولو: عدلها...
فبدات العلاقات المشبوهه تنتشر..و بما ان الشباب اللي رايحين الحرب عارفين انهم احتمال كبير يموتو و ميرجعوش كانو بقي شغالين بنظام عك و اشرب و فك..محدش واخد منها حاجه...ادام كده كده هموت يبقي هعمل اللي في نفسي...
و ابتدي زي اللي حصل عندنا يحصل بالمللي مع زياده حبتين لأن بعد كل شيء كان عندنا برضو لسه في شويه تقاليد و اعراف...و بدأ جيل جديد من البنات يظهر...
يعني ساعتها أبتدا شكل المرأه يتبلور في كل أنحاء العالم....
فعلا بقت بتشارك في العمل في المصانع و الشركات....
فعلا بقت بتكتب في الجرانين و بتالف كتب...
فعلا بقت في مرأه مثقفه و بقت في مرأه ليها اراء لا يستهان بها....
الستات بقم دكاتره و مهندسات و حتي ضباط و بقم يلعبو رياضه و يسوقو و يركبو خيل...
ده بقي في كمان ستات علماء بيخشو المعمل و بيحاولو يخترعو زي الرجاله....
لكن نسيت اصلا هي حوا نزلت عالأرض ليه...
حوا مكنتش جنب أدم عشان تحاربه و لا عشان تسابقه...
لأنها بعد كل شيء مختارتش أنها تنزل بمزاجها, بالضبط زي أدم....هيا نزلت لأسباب محدده زي ما هو نزل لاسباب محدده..
نسيت أنها أم, انها زوجه مخلصه...
حواء نسيت كل ده....
تعالو بقي نفكر بهدوء و بكل موضوعيه: ماذا حققت حواء في ال80 سنه الاخيره ؟
عالمستوي العربي صفر قريبا....ما عدا بعض النماذج هنا و هناك متفرقين...
عالمستوي العالمي مش هنقدر نحسبها غير بطريقه واحده : هي جائزه نوبل, و الاحصاءات بتقول ان نسبه الستات اللي خدو جائزه نوبل في جميع المجالات منذ 1901 و حتي 2006 هي 5.9%
طبعا لا يمكن ان يكون بينها للاسف امرأه عربيه واحده....
طبعا المدافعين عن حقوق المرأه هيقومو و هيقعدو و هيقولو أن الست زي الراجل و مخهم زي بعض....
لكن حتي لو كان مخهم زي بعض...يبقي ليه مشاركوش في بناء و تعمير هذا الكوكب ؟
من مد السكك الحديد بين المدن و البلاد ؟ مين شق الترع و القنوات ؟
مين بني الكباري الضخمه و حفر الانفاق الطويله ؟
مين عمل و عمل و....و....حاجات كتير أوي لو قعدت من هنا للصبح اقول فيها مش هخلص....
و طبعا الرجل كانت ليه غلطات كبيره جدا لكن أنجازاته تغفر له...
لقد حصلت المرأه علي حقوقها من عشرات السنين...فماذا فعلت بها ؟
لما مازالت المرأه تدافع عن حقوق وهميه لا أعرف ماذا تريد منها....
شاركت المرأه في العديد من المجالات لكن نصف من شاركن في تلك المجالات شاركن بغرض اثبات النفس, بغرض التباهي انها تقدر...
بغرض اثبات لأدم انها مثله...
الي متي ستظل هذه المسرحيه الطويله تعرض ؟
نكمل المره الجايه ان شاء الله...

أفحت

جربو الموقع ده يا جماعه, لذيذ فعلا : ef7at.com

ا.م.ن د.و.ل.ه

طبعا كلنا عارفين التالي:

# الشعب المصري الغلبان مسحول في الشوارع...

# المدونين و الصحفيين و الاحرار متعذبين في المعتقلات و الاقسام...

# و المصري الغلبان كرامته بقت في-لا مؤاخذه يعني-الكابينيه....عارفينه ؟ أيوه البتاع اللي النظام بيحط الادمغه الرائعه و المفكره مع كرامه اصحابها جواه...

كل ده طبعا عارفين مين المسئول عنه...العادلي و زبانيه الجحيم و اللي مشغلهم...طبعا عن طريق أستخدام الجهاز الشيطاني اللي أسمه: امن الدوله...
كل البشر مصريين أو مش مصريين-و معاهم العبد لله - مستغربين ازاي الجهاز أسمه امن دوله ؟ مش المفروض يبقي اسمه هيئه تعذيب المواطنين...او اوضه الفيران الاشتراكيه..او شرطه العمليات الوسخه..انا نفسي كنت مستغرب لغايه اما في قعده صفا أكتشفت معني أمن دوله بعد تفكير طويل...دي اختصارات لأوامر النظام لرجالته يا جماعه !! يا خبر اسود..ازاي مخدناش بالنا من الموضوع ده ؟؟ حتي شوفو كده:

أ=أسجنوهم

م=موتوهم

ن=نيكوهم

د=دوخوهم

و=ولعوهم

ل=لبسوهم طرح

ه= أما الهاء الاخيره فمتهيألي دي ضحكه النظام: هع هع هااااع

من ناحيه السجن, فالسجون بقت مليانه مفهاش مكان حتي للصراصير..
و من ناحيه الموت فالشهداء قربو يوصلو لعدد شهداء أكتوبر..
اما عن-لامؤاخذه- النيك, فشغال علي ودنه في جميع اقسام و مخابيء و معتقلات النظام...
و عن التدويخ متهيألي لو الشعب شربله برميل خمره مش هيدوخ بالشكل ده...
أما التوليع في البني ادمين بالكامل الحمد لله طريقه لسه النظام ملجئلهاش....
الحمد لله طول ما مصر فيها رجاله جدعان و قلوبهم من نار, مش هتقدر يا نظام قذر تلبسنا طرح أبدا و لو عذبتنا لاخر العمر...
و متهيألي كلنا سمعنا ضحكه النظام عالشعب الاهبل...هاهاهاااع, و لا اجدعها معلم ماسك الشيشه في أيد و بيسكع مواطن علي قفاه بالايد التانيه ...
و بكده أقدر أقولكم ان احنا فكينا طلسم مصطلح امن دوله..ناقص نفك طلسم الشرطه في خدمه الشعب...لما افكها هبقي اقولوكو علي طول...

و لو حد فكها قبلي و النبي يبقي يقولي...

حواء تخرج من الشرنقه

لو سافرت الي دول العالم كلها....من استراليا الي جنوب افريقيا...
أو من مصر الي امريكا...أو حتي من فلسطين الي الصين هتلاقي ان المرأه هي المرأه و الرجل هو الرجل, قد تجد أختلاف في العادات أو التقاليد بس الجوهر هو هو....
لسه الست عاوزه حنان و حب, عاوزه تبقي دايما حلوه في عيون الناس ...عاوزه حد يضمها وهي خايفه...
و يحاسبها لما تغلط...يحسسها انها انثي بحق...
يعني من الاخر لو نفضنا للون البشره...
لو اتجاهلنا اللغات المختلفه اللي الستات بيرطنو بيها في كل حته....
لو نسينا انها لابسه حجاب أو كيمونو أو ميني جيب...
هنلاقي أنها حوا برضو بتاعت زمان بس بعد تغييرات رهيبه لدرجه انها بقت شكليا واحده تانيه خالص...
انا كنت هكتب في البوست ده عن الطريقه اللي حوا أتصرفت بيها في الحريه اللي جاتلها بس قبل كده قلت من الضروري اني اقول الحريه دي جت منين و أزاي...
و بحيث كده, خلوني اقولكم حوا في اوروبا و أمريكا كانت بتعمل أيه و اختها حوا العربيه كانت بتعمل ايه...
في سنه 1848 بدأت المرأه صراعها في أمريكا للتحرر من القيود التي كبلتها لفتره طويله جدا بعد ان كانت قوه مؤثره علي مر التاريخ زي ما ذكرت البوست اللي فات...
و هنا تري الفارق بين الامريكيه و المصريه او العربيه بشكل عام...
الامريكيه بدأت صراعا صعبا مع أقوي مخلوق في الكوكب: الرجل..
صراعا كان من الواضح فيه أن الانتصار صعب....
في حين المراه العربيه كانت لسه قاعده في بيتها بتحضر الميه عشان تغسل رجلين سي السيد...
و تصادف ان في نفس الوقت بدا عبيد امريكا الزنوج يتمردو و يحسوا انهم واقعين تحت ظلم رهيب...
يعني امريكا كان بيدور فيها حرب تحت نار هاديه ....
من ناحيه الستات عاوزين حقهم في التصويت و الانتخاب و حريه الراي و التعبير و خلافه...و من الناحيه التانيه العبيد كانو عاوزين يتعاملو زي البني أدمين...
النار دي خلت البلد تغلي لغايه الانفجار الكبير اللي محدش نسيه و لا هينساه...الحرب الاهليه الامريكيه...
و علي الرغم من كده ,في وسط طبول الحرب و نارها....استمرو الستات الامريكان في نضالهم...
و تم انعقاد أول مؤتمر لحقوق المراه في ولايه ماساشوستس الامريكيه...و دي كانت خطوه كبيره فعلا...كان هذا مؤشر كبير ان الستات مبيهزروش و عاوزين حقهم بجد...
و عدت السنين لغايه أما الحرب الاهليه خلصت سنه 1865
و المرأه كانت متوقعه أن الزنوج و الستات ياخدو حقهم تالت و متلت...
بس الصدمه جت في ان الرجال الزنوج أصبح لهم الحق في التصويت...و المرأه بلونيها الابيض و الاسود طلعت من المولد بلا حمص زي ما بيقولو...
الغريبه انهم لم يياسو و أستمرو في كفاحهم و بدون الدخول في تفاصيل ممكن اي حد يلاقيها في أي موقع عالنت,حصلت المرأه أخيرا- بعد كفاح أستمر 69 سنه - علي الحق في التصويت سنه 1917
و في أوروبا خطت المراه خطوات مشابهه و حصلت علي نفس الحق في التصويت بس للنساء فوق ال30 سنه و تم تعديل هذا القانون فيما بعد ليصبح من اول 21 سنه...
ممكن حد يقول و ليه كل الحرب دي ما كانت تريح دماغها و تنفض...
طبعا حوا كان ليها وجهه نظر...
فرضا ان في حاجات غلط في المجتمع و الرجل هو السبب فيها و راضي عنها...
مين هيصلحها ؟ ماهو مافيش غير الستات كده..... و عشان تتصلح لابد من تشريع قانون مره, و تعديل قانون مره تانيه...و هكذا...
بس عشان كل ده يتم لابد من تدخل المرأه في العمليه السياسيه و ده عمره ما هيكون بدون حصول المراه علي حقوقها الشرعيه في التصويت...حق التصويت سلاح قوي جدا في الدول الديموقراطيه ( اللي هي مش احنا طبعا)...يخليك تنجح ريس او تسقطه حتي...يخليك تغير المجتمع بحاله...
و اخيرا قدرت الست تخرج من الشرنقه لتصبح فراشه جميله تحلق في سماء الحريه مره أخري...
المره الجايه بقي هتكلم عن الستات العرب عملو ايه...نلتقي بعد الفاصل

أصل حوا (قبل النيو لوك)ء

ما الانسان سوي طين, و أول أنسان هو ادم...فلماذا خلق الله أدم؟
اكيد عشان يعمر الارض و كلنا عارفين كده...
طب لماذا ربنا خلق حواء؟...تعالو نفكر كده, مستحيل عشان يعمر الارض...عشان خلاص أدم موجود, ومستحيل عشان في حاجه أدم مش عارفها, لأن ربنا سبحانه و تعالي علمه كل كبيره و صغيره قال تعالى: "وَعَلَّمَ آدَمَ الأَسْمَاء كُلَّهَا"
الاسماء يعني السماء و الارض و البحر و الطيور...كل حاجه...
يبقي متبقاش غير حاجه منطقيه واحده:عشان أدم ميقدرش يعيش لوحده, عشان نفسه تطمئن...
حيث أن ربنا سبحانه و تعالي جعل في حواء لطف و رقه و رحمه اكتر من أدم بكتير...كلمه رحم اساسا مشتقه من رحمه...و صفه لطيفه جايه من لطف الله سبحانه و تعالي, يبقي مهمه حوا في الدنيا عرفناها خلاص...طب تعالو نتابع حوا بأختصار أدت المهمه دي أزاي علي مر العصور...
اهم حاجه حوا أنجزتها, كانت من 7000 سنه: وصولها لمقاليد الحكم....
قدرت تبقي ملكه ايام الفراعنه...عندنا مثالين: كليوباترا و نفرتيتي...قدرو يكسرو قاعده الحكم الذكوري, و بغض النظر عن أنجازاتهم أو أخطاءهم لأني هتكلم عنهم بالتفصيل بعد كده...
و بعد كده بفتره طويله نيجي لشبه الجزيره العربيه...نلاقي أن الناس كانو بيأدو بناتهم و بيعاملو الست كانها شيء مش انسان, نسيو أنها حوا و مقتنعين أنها مجرد مخلوق بيجيب عيال...لغايه أما جه الاسلام و كرمها و أداها حقها و رجعت حوا بتاعت زمان تاني , و في أمثله كتير لصحابيات جليلات كان لهن دور كبير و بايعو الرسول و كمان جاهدو في سبيل الله في بعض الاحيان...
و الناس بطلت توأد بناتها و المرأه كانت واخده حقها و كله تمام التمام...
و طبعا منقدرش ننسي أمهات المسلمين كان لهن دور كبير في عهد الرسول عليه الصلاه و السلام...و حتي بعد عهده السيده خديجه كان ليها دور مهم...بس ده مش مكان الكلام عنهن.....
بعد كده توسع الاسلام بشكل كبير و كان من غنائم الحرب أسري من الرجال و النساء, هنا ظهر عصر جديد...هوعصر الحريم, حيث تحولت المرأه الي جاريه مهمتها تسليه سيدها و أنتشرت هذه الظاهره حتي اصبحت قاعده...يعني دلوقت في ناس كتير عندهم شغاله بتكنس و تنضف, ساعتها بقي الجواري كانو حاجه عاديه كده...كان بعض الخلفاء عنده أكتر من 50 جاريه, و بيقولو أن هارون الرشيد ذات نفسه كان عنده ما لا يعد و لا يحصي من الحريم...و كانو حريم بقي من كل شكل و لون , شقر و صهباوات..رفيعين و مليانين, وحشين و حلوي, بيض و سمر.....
و اصبحت المرأه تباع و تشتري في الاسواق و فقدت كل مكانتها اللي كانت بتكتسبها علي مر الزمن....
بس عاوز أسال دي مسئوليه مين؟ مش هما اللي رضخو و سكتو و أستسلمو لكده؟؟ , بس هكمل عالعموم الموضوع...
فين و فين لما أيام المماليك ظهرت واحده من ابرع الشخصيات السياسيه من رأيي في تاريخ مصر:شجره الدر.....اللي قدرت تقف وقفه ب100 راجل علي الرغم أنها محكمتش غير فتره قصيره بس قدرت تنجز حاجات كويسه جدا, برضو هبقي أتكلم عنها بعدين بتفصيل اكتر.....
ممكن يكون في أمثله لنساء مهمين انا نسيتهم, بس الموضوع مش عرض للنساء اللي أثرن في التاريخ..لأ ده عن دور المرأه (الحقيقي ) - و حط تحت حقيقي دي 100 شرطه - في المجتمع.
بعد كده المراه أختفت نسبيا و بقت تقعد في بيتها و أنحصر دورها في انها تبقي جاريه و بعد كده دخلنا في عصر سي السيد و كلنا عارفين العصر ده...شبه عصر الحريم مع بعض التعديلات...
طب في الفجوه الزمنيه بين شجره الدر و سي السيد...أيه اللي حصل ؟
طبعا أول حاجه المدافعين عن المراه هيقولوها:الرجاله!!!هما السبب..
الله!! الرجاله هيكونو عملو ايه؟ خافو منها فحجمو دورها مثلا ؟ و لا هي اللي أستسهلت و قالت القعده في البيت احسن ؟
طب لو الرجاله هما اللي ظلموها, ليه فضلت خايفه و خاضعه ؟ ليه رديت بالذل متمردتش ؟
لكن ما علينا , عشان الرجاله جدعان برضو جه راجل طيب اسمه قاسم أمين و حررها و اداها كتير من حقوقها اللي الرجاله الوحشين سرقوها منها...
المفروض أن كده فرجت, و الحريه وصلت و الحياه أبتسمت لحوا تاني...
طيب, أنا موافق أن الرجاله غلطو في حق المرأه و اللي عملوه ده كان غلط و عيب و مبسوط ان حوا أتحررت و ده من قلبي بجد...
تعالو بقي نشوف يا تري حوا عملت ايه بالحريه دي ؟ و استغلتها أزاي....
و للحديث باقي

الامام الالي

زي ما كان في زمان العمده الالي لو كان حد فاكره...دلوقت الف مبروك يا جماعه بقي في امام ألي...
الإمام ده جهاز أسمه الرفيق ويتكون من سماعتين يحطهم المصلي في ودانه عند بدء الصلاة وبالضغط علي السماعة قبل تكبيرة الاحرام يتم اختيار عدد ركعات الفرض أو النافلة....
و من اراء الشيوخ في الكلام ده بيقول د. صبري عبد الرؤوف أن استخدام ما يسمى بالإمام الالكتروني بدعة لأنها لا تتماشى مع الخشوع والإخلاص لله حال الصلاه
أنا مش فاهم دلوقت , ايات ربنا بتتلي عليا في وداني....مش هبقي خاشع ليه يعني؟ ده حتي من غير السماعات دي و الواحد بيقرا لوحده ساعات في البيت صوت الدش بيبقي في ودانه....ابقي ساعات قاعد بصلي في أمان الله و صوت شيرين ملعلع من بعيد بس انا سامعه...حتي الجهاز ده لو الواحد علي صوته هيبقي مش سامع غيره و تركيزه هيزيد....يعني في أخلاص و كل حاجه...بدعه ايه ؟ هو لا سمح الله الجهاز ده غير حاجه في الدين ؟ لسه الصلاه فيها ركوع و سجود و خشوع و تشهد و فاتحه و زي ما هي....
دار الافتاء المصريه , و الشيخ علي جمعه وافقو علي الجهاز...بس مش عشان أستخدامه بدل جماعه المسجد أو الجمعه, لأ ده عشان الصلوات الفرديه..حيث ان شركه البرمجيات اللي ابتكرت الجهاز قالت أن الجهاز بيسمح للمصلي أنه يسمع عدد من الايات أكثر عددا و تنوعا....
يعني معظمنا بيقرا لما ييجي يصلي لوحده سور قصيره علي قد حفظه, الجهاز بقي يسمحلك انك تسمع من القرأن الكريم أكتر و ده من رأيي شيء كويس مش وحش, التكنولوجيا ساعات بيبقي ليها مزاياها, و دي ميزه جديده ليه منستخدمهاش؟
لكن أنا متأكد أن هتلاقي هجوم كاسح علي د. علي جمعه و اتهامه بزعزعه الاسلام في المجتمع و بلبله فكر المؤمنين و دعوه الي هجر المساجد و كلام بقي زي الدبش....
نفسي نتقدم فكريا و الله...و كفايه مهاترات فارغه

مقدمه الي حوا

أحتار فيها العالم كله....
كل واحد قال عنها حاجه شكل.....
قال عنها نابليون المعلم و الجنرال الفرنساوي :"النساء لسن سوي ماكينات تنتج أطفال"
اما نيتشه فقد قال:"بالنسبه للمرأه الرجل هو وسيله...الغايه هي دائما الاطفال"
و أيضا قالت أجاثا كريستي :"أي أمرأه تستطيع أن تخدع الرجل اذا ارادت و ايضا اذا كان يحبها"
و قال أنيس منصور:"اضعت عمري كله في فهم المراه ولم اعرف بالضبط ما الذي تريده؟"
حتي سيجمند فرويد الجهبذ قال عنها:"بعد 30 سنه من البحث في روح المرأه, لازلت اريد ان أعرف...ماذا تريد المرأه؟؟"
و غيرهم كتير أوي قالو, فيهم اللي عاب فيها و فيهم اللي مدحها...
بس برضو معرفناش..مين هي حواء ؟ و هي فين دلوقت؟
حواء ليها ميت وش و الف قناع...
في كل مكان ممكن تلاقيها...في زحمه المترو بتبص حواليها قرفانه...
أو في الكافيه بتضحك من قلبها..
ممكن تكون جارتك اللي في العماره...اللي بقالك فتره بتحاول تظبتها...
أو تكون الدكتوره اللي سقطتك في الماده بتاعتها...و بتدعي عليها من يومها...
و ممكن تكون هي الام الحنينه اللي بتضحي بكل حاجه عشان اولادها...
حواء زي الحقيقه بالضبط.....جميله و خطيره في نفس الوقت...و لابد من التعامل معاها بحذر شديد...
بس يا تري بقي هي دي حوا بتاعت زمان و لا دي حوا بعد النيولوك ؟
هكمل المره الجايه ان شاء الله....ء

معلومه سريعه

El layout bta3 el blog ma3mol b CSS akid, bs feh fekra w leh shakl mo3ayan mesh beyban sa7 3'eer 3al firefox...ama 3al internet explorer el 3ady beyban 3'alat

حواء...حقها المهضوم أم المزعوم

من اول البوست الجاي أن شاء الله هبدا سلسله من البوستات عن حوا...بما ان دورها مهم جدا
فلابد من الكلام عنها و عن دورها بالذات في المجتمعات العربيه و المصريه بالتحديد

جمهوريه أيجيبت العربيه

بغض النظر عن مكانه الواحد الاجتماعيه...سواء كان هاي كلاس و في بقه معلقه دهب او من الشعب المصري اللي طالع عين أبوه...ايه اللي يخلي الواحد ميتكلمش عربي او ميكتبش عربي ؟
مشكله في المخ مثلا زي الاشول كده يعني ؟ ..ولا مش قادر يكتب عربي...بيحس بالتخلف و الرجعيه؟
هل هي مشكله هويه و لا مشكله انتماء و لا ايه بالضبط ؟
أذا كنا مش قادرين نتكلم لغتنا الاصليه...البلد دي هتقوم لها قومه أزاي؟..طبعا نسبه اللي بيحبو يتكلمو أنجليش او يكتبو أنجليش مش كبيره اوي..بس في تزايد مستمر و كمان في تزايد مستمر في عدد المجلات الانجليزيه اللي بتخاطب الشباب...
طب يا جماعه ليه كده؟؟العربي عملكو ايه؟ ده أحنا نفتخر ان أحنا بنتكلم عربي...لغه القران الكريم
و طبعا موضه منتشره من زمان أن كل واحد يدخله كلمه انجليزي كده في وسط كلامه علي اساس انه يبين انه واد جامد و معدي...
حتي الكافيهات مبقتش بالعربي....عندك سيلانترو مكتوبه بالانجليزي بالبنط العريض...كوستا...وغيرهم كتير...طب ده علي اساس ايه؟ القهوه هتكلمني بالانجليزي و لا هلاقي ناس انجليز جوه؟
من ناحيه القهوه كلنا عارفين انها مبتكلمش..و بالنسبه للاجانب, دايما اما باجي اقعد في اي كافيه بلاقي90% من اللي قاعدين حواليا أجانب...
خد عندك بقي الحاجات الصغيره اللي في كل حته و بتفرسني:
1-زمان كان الواحد ينزل يشتري "شريط" عمرو الجديد, دلوقتي الاقي في الاعلانات: "البوم" الفنان (فلان) حاليا في الاسواق
2- لما الناس كانت بتسمي عيالها كانو بيسمو مني, رشا,ساره,ندي,مريم,ايناس,دينا...اما دلوقت بيسمو: ماري,شاهيناز,مارينا,باكينام....حتي الاسامي مبقتش عربي !!
3- عارفين عم عبده البقال اللي عالناصيه؟ مبقاش بقال...صحيح المحل مترين في متر بس جاب يافطه كبيره عليها أعلان بيبسي و مكتوب: "سوير ماركت" عبده...حتي عم عبده بقي روش و مبقاش بقال خلاص..
4-أما مجموعه من الناس فكرو يوصلو للشباب من 7 سنين تقريبا, عملو مجله أنجليزي قلبا و قالبا زي ما بيقولو و سموها تيين ستف , يعني حاجات شباب...و بعد كده بقي عملو مجله اسمها كلمتنا بالعربي, بس بدأو بأيييه؟
5- انا عارف ان في واحده صديقتي لو قرت الكلام ده هتقتلني بس هقوله كده كده: البلوجات اللي كلها بالانجليش و في بعضها بيتكلم عن البلد و مشاكلها ساعات!!!
تعالو بقي للعيال الصغيره في بعض المناطق زي المعادي مثلا.....
ياما و انا ماشي في المعادي الاقي عيال صغيره ماشيه بتكلم بعضها انجليزي و أبص عليهم اقول يمكن امريكان و لا حاجه..الاقيهم مصريين 100%...طب في ايه الحكايه مش عارف...حتي العيال الصغيره من اللي بيشوفوه في بيتهم أو في مدرستهم من تجاهل اللغه العربيه علمهم يتقربو من الانجليزي اكتر...
تقريبا زي ما سقراط و لا أفلاطون و لا حد من الفلاسفه دول قال: انا افكر اذا انا موجود, في بقي واحد مصري عبقري قال:انا اتكلم انجليزي...اذا انا جدع!!
انا مش ضد الانجليش, انا نفسي مش بسمع اغاني عربي و مش بتفرج علي افلام عربي بس ليا أسبابي...ده انا حتي في أول المدونه دي كنت بكتب بالانجليش...بس لسه من جوايا عربي و مصري في الصميم و عمري ما دخلت اي كلام وسط العربي من اي لغه...لأني عارف اني مش محتاج...
اللي بيحطو الانجليزي أو كلمات منه في وسط كلامهم ممكن يكونو ساعات ناس كويسه و دماغها حلوه...بس أنا عاوز اعرف ليه؟؟ ما انت بتعرف تتكلم عربي كويس..
طبعا في سبب لبعض الظواهر دي...ان حاليا التقدم العلمي و التكنولوجي -مش هقول الحضاري أكيد-عند الغرب, ففي ناس بتحاول تتمسح فيهم, ال يعني لو اتكلمو انجليزي شويه هتنزل عليهم البركه و هيبقو مثقفين...ممكن يكون رأيي صح أو غلط بس دي وجهه نظري علي كل حال...
سواء غلط او صح...سؤال بريء: احنا مش كفايه احتلينا فكريا و كمان هنحتل لغويا؟؟؟...مبقاش فاضل غير ان احنا نحتل عسكريا أن شاء الله..
خلي بالكو يا جماعه...بعد شويه هتلاقو ولادكو بيحيوا العلم بكل قوه:"تحيا جمهوريه أيجيبت العربيه!!"
ء

برضو هكتب تاني

مع ان جالي حاله ياس تتوزع علي بلد...
قررت اني ارجع أكتب تاني مع أني قلت مش هكتب غير بعد فتره
يمكن عشان دماغي جزمه و يمكن عشان مش قادر استحمل اني أقعد ساكت و يمكن عشان انا رغاي
بس مش مهم انا رجعت ليه...المهم أني رجعت و شكلي هفضل اكتب لغايه اما ازهق خالص

أحباط موسمي

و جاءت اللحظه التي كنت أخشي منها طيله الايام الماضيه....
انها اللحظه التي أقول فيها: يلعب أبو اللي عاوز كتابه...
في خلال تقريبا 9 اشهر -عمر هذه المدونه تقريبا- أنا كتبت حوالي 23 موضوعا..طبعا العدد قليل جدا بس هقول ليه بعد شويه... حجم الردود ضعيف جدا...شيء متوقع و لكنه محبط ...انا كنت فاكر ان العيب مني أو حاجه فكنت بغيب من غير كتابه بالاشهر... بس و الله اعلم طلعت مش انا لوحدي ,انا شفت المشكله دي في كل حته عالنت..مدونات زي الفل و جميله جدا مفيش حد عبرها...أنا أعرف مدونه اسمها اصوات من أحلي المدونات اللي قريتها, و فيها أكتر من 120 موضوع ...و عدد التعليقات تقريبا 15 مثلا...كلهم علي بعضهم....و في نفس الوقت دخلت علي مدونات عاديه جدا...مش مميزه و في نفس الوقت مش وحشه...لكن كم التعليقات فيها كبير -اللهم لا حسد يعني- بس فعلا ظاهره غريبه مش عارف ايه سببها...
في عصر الشبكه العكبوتيه تقريبا بتتوه المدونات من بعضها و كلنا قاعدين ننده في مالطه و محدش سامع حد, الاف المدونات المدفونه...من يهيل عنها التراب....
بس لغايه أما حد يشيل التراب انا هعمل اللي بعمله دايما...هغيب كام شهر و أرجع..ألا لو أتحمست فجاه و نفضت لكل حاجه و أعتبرت المدونه دي زي مذكراتي... الناس هتقراها بعد ما أموت...الناس بقي دول يبقو ولادي...مراتي...عفاريت زرق..مش مهم... المهم اني سبت حاجه من بعدي ليها أي لازمه...
و بالمناسبه اني علي وشك دخول بيات شتوي مؤقت او شبه مؤقت احب اعزي في مدونه واحده صديقتي لأن المدونه تعيشو انتو...فقدت الامل و بطلت تكتب فيها مع ان فيها حاجات حلوه و مافيش مدونات في مصر كلها زيها كتير....اللينك أهو لعل و عسي...
http://www.ronnunism.blogspot.com/
و سلامو عليكو اشوفكو بكره او بعد كام شهر كده...حسب المزاج

الحرب الناعمه

في حرب غير معلنه بين البنات و الولاد في مصر, ممكن تكون مش ظاهره اوي بس موجوده..بالضبط زي الحرب البارده اللي كانت بين أمريكا و روسيا...أنا بقي سميت دي الحرب الناعمه..
مين مش بيحب البنات ؟ ساعات بيبقو زي العسل و الحياه مستحيله من غيرهم...و ساعات بيبقو زنانين و متعبين, بس مش مشكله كله يهون عشان كتف حنين مستني الواحد في بيته يهون عليه تعب اليوم كله...
و ده كلام مش من عندي ده اصلا الدين بيشجع العلاقه بين الرجل و المرأه ( في الحلال اكيد),بس في ظاهره غريبه اوي أبتديت الاحظها من فتره ان الطبقه الهاي كلاس من بنات مصر بقم تنكين اوي, تنكين يعني لما ييجي واحد يكلمهم بيعاملوه بطريقه بارده جدا...الكلام ده لاحظته أنا و اصحابي كتير...و في جانب أخر من البنات دول واخد من الرجاله موقف و حاسس انهم جنس اقل منهم فكريا...لدرجه اني في في مصر انتشار واسع جدا للبنات ال...اللي بيحبو البنات لامؤاخذه يعني و مع اهتمام الاعلام و الناس بالمثليين جنسيا من الرجاله...في حاله نسيان و محدش حاسس بالشواذ في البنات...أكيد في منهم عندهم أسبابهم اللي معرفهاش بس اللي أعرفه أن في منهم كتير اتجهو للشذوذ ده عشان بيحتقرو الرجاله و مش بيحبو حد منهم يلمسهم....
العلاقات في مصر بقت غريبه و مقرفه, انا شفت عالنت بنات كتير اوي...اوي, بيهاجمو الرجاله بطريقه او باخري...يعني مش بطريقه همجيه, لأ بطريقه ناعمه و من تحت لتحت و بتعليقات وسط الكلام...
انا مش عارف البلد دي بقت بيحصلها ايه كله متحفز للتاني في كل مكان...
في الشارع...
في المواصلات....
في القهاوي....
و دلوقت حتي الجنسين بقت بينهم مشاكل و خلافات, و الغريبه ان عدد الولاد اللي شفتهم بيحتقرو المرأه او بيهاجموها هما اتنين :أنيس منصور و واحد صاحبي !!
اما اللي شفتهم بيهاجمو الرجاله......أستنو اما أجيب الكالكيلاتور احسن دي حسبه صعبه !!ء

ابليس زهقان

حد حاسس بأبليس اليومين دول ؟ انا حاسس انه بقي عاطل لا شغله و لا مشغله ...يا تري بيقضيها ازاي ؟ بيشيش عالقهوه و لا بيعط في شرم ؟ أكيد بتقولو ايه اللي انا بهري فيه ده...هقولوكو ليه انا بقول كده...اصل انا عندي نظريتين, الاولي: ان أبليس بقي بيشغل الناس بريموت كونترول من بعيد مبقاش بقي محتاج الاساليب القديمه بتاعت الوشوشه و اعمل كذا و كذا..دلوقت هو مخزنهم...يدوس واحد الواد يعاكس اتنين ميصليش تلاته يضرب فلوس من أهله و هكذا..اما التانيه انه مبقاش محتاج يعمل حاجه خلاص عشان الناس بقت متعووووده دايماااا...تيجي تلاحظ النظريه التانيه امتي بقي ؟ سامع واحد بيقول في رمضان..برافو عليك, في رمضان بقي تقدر تراقب و تلاحظ..هتلاقي واحده طالعه من التراويح و هوب العبايه اتقلعت جوه العربيه و الضحك اشتغل و لا عزاء للمؤمنين...او ممكن تلاقي شله شباب زي الورد خارجين من الصلاه رايحين عالقهوه يشربولهم حجرين و يتفرجو علي شويه كليبات في اللذيذ..ده غير بقي الوقت اللي بيضيع في التليفيزيون و الهلس, لا تقولي أبليس و لا عتريس..الراجل متكلبش و متسلسل و مش قادر يهرش يعني مين المسئول ؟ شوف انت بقي يا حبي
أنا متهيألي أبليس خدله أجازه حلوه كده بيريح فيها أعصابه و بحب اقوله مستنيينك يا شوشو تيجي تخربها الله يخرب بيتك ...

يلا بينا نتسطل

بما اني بقالي كتير متسطلتش قلت أنزل أزور الشباب و نقعد قعده حلوه
المهم نزلت و قعدنا شويه كده نستني البضاعه
الشويه بقم شويتين و الراجل مجاش بالبضاعه
الله...طب فين أمين يا رجاله؟ أمين أتمسك..
طب فين سيد ؟ اتقفش هو راخر !ء
اصل شكل الحكومه شاده حيلها عالشعب يا جدعان
الحياه عذاب و لو حاولت تهرب (تتسطل يعني)من الواقع
الحكومه مش هتسيبك و أكيد هتجيبك
لازم تفضل فايق و مش هتقدر تغمض عينيك يا حبي
لازم تشوف النجوم في عز الضهر
و العذاب في الليالي الحمر
بس انا مش جاي اكتب زجل و لا شعر عشان ماليش في الاتنين
المهم البضاعه وصلت في الاخر و أتفجأت بحاجه لوز اوي
بشري لاهالي القاهره
الربع اكتشفت أنه رخص خمسه بحالهم
يعني الكيف في متناول الجميع
لو كنت في أبتدائي...او كنت في أعدادي ممكن تتسطل
دي الحياه هتبقي دحرجه يا جدعان
يعني المره الجايه ممكن يرخص يبقي بتمن علبتين أحمر
يعني الوداع يا مصر الكئيبه
و اهلا بالحياه أم بمبي في بمبي
و أنا جنبك و كيفي جنبي
و يلا بينا نتسطل

جيفارا عالتي شيرت

الحقو يا ولاد زغردو يا حريم جيفارا أتعملو تي شيرت يا ولداه

اكيد كان في راجل حافي عبيط طلع يجري ف حواري الارجنتين-مسقط راس جيفارا- يزف النبأ لأهل المنطقه, ما اهو أكيد...تخيل مثلا انت اتعملك تي شيرت و حتي لا مؤاخذه اندر وير و كل العالم لبسه...مش يبقي أنجاز؟؟ بس للأسف هو حاجه تكسف مش أنجاز من ناحيتين...اول ناحيه: ان في دول العالم و في مصر معظم اللي لابسين جيفارا ميعرفوش عنه غير قليل قوي..ده لو عارفين حاجه اصلا خد عندك مثلا:
كنت قاعد مع واحد بقوله : حلو التي شيرت ده, بس هو مين الراجل أبو دقن ؟
قالي بكل فخر:ده جيفارا ازاي متعرفوش؟؟...قلتله طب متعرفني عليه, راح رد عليا :ده راجل عمل ثوره و مكانش بيهزر...قلتله ثوره ايه ؟ قالي و هو بيضحك يا عم انا ايش عرف أهلي...
خد موقف تاني : واحده حطه صورته عالديسبلاي بيك في المسنجر قلتلها تعرفي ايه عن الأشتراكيه أو الشيوعيه..قالتلي مش دي اللي عملوها في روسيا برضو ؟ قولتلها شكرااا
و قابل بقي...يعني مالاخر تحول رمز من رموز الثوره لحاجه حلوه كده الناس بتحب شكلها و طعمها زي الهامبورجر او الكاتشب..الله يرحمك يا جيفارا يا خويا...لو كنت عايش كان زمانك قلت ايه ؟ يلعن أبو اللي عاوز ثوره ؟ و لا هتشتري تي شيرت ليك أنت كمان بالمره؟
اما تاني ناحيه؟ ان العالم الغربيين ناصحين...بيمجدو رموزهم و في نفس الوقت بيسترزقو...أزاي ؟ جه واحد ايرلندي فنان أسمه جيم فيتزباتريك رسم جيفارا في الستينيات..الصوره اللي كلنا أكيد عارفينها و دي علي فكره اشهر صوره في التاريخ..البي بي سي هيا اللي قالت كده مش انا و الله...الصوره فوق اهي..بعد كده جت ناس حطتها علي تي شيرت و انتشرت في كل العالم..أنا بقي قريت
في مدونه أبن همام أن" المفروض الشباب ميمسكشي في رموز مشوهه و مش من ديننا"طبعا فيما معناه مش بالحرف,بغض النظر عن صحه الكلام ده أو خطاه انا عاوز أسال دي غلطه مين ؟؟حد يقولي يا جدعان..انا أقولوكو..دي غلطتنا أحنا, حد فكر يعمل صور لعبد الناصر ؟ او ياسر عرفات ؟ او صلاح الدين ؟ أو الفاجومي ؟ هما دول رموزنا بس محدش عاوز يفكر عشان الناس مخها في الحاجات دي محدوده..علي فكره محدش يفتكر أن جيفارا كان شكله جامد و روش و معدي كده...لأ...دي رؤيه فنان مسك الكاريزما اللي عند جيفارا اصلا و حطها تحت العدسه المكبره عشان كله ينبهر بيها بجد..و أراهن علي اي حاجه ان عندنا رموز لو فنان لعب شويه بفرشته هيخلي شكلهم جامد برضه..محدش يلوم الشباب انهم لابسين جيفارا عالتي شيرت...المشكله ان مافيش شخصيات عربيه اصيله علي الهدوم و لا حتي شخصيات مهلسه زي المغنيين...بس بيني و بينكو أنا لسه في انتظار تي شيرت صلاح الدين

اهداء ليك يا ريس

جبتها من مدونه أسيوط و عجبتني مووووت:

عليا الحرنكش يا ريس مبارك

في عصر مزركش ملون بنارك

لابايعك وأبايع حكومة حمارك

ملعون أبو اللي يقدر يقاطع قرارك

نهاره مقندل وليله مبارك

فهمبك وهجص وطلع في عيننا

أكيد هيا طالعة تشاهد جمالك

جمالك مبارك سوزانك سوزاننا

يامحلى حصارك لمصر اللي جالنا

نسيمها في عصرك بيشوي في بدنا

أؤيد وأبايع فخامة جلالتك

وأيد أي واحد بيمسح ريالتك

ولأنك سر باتع هاننسى هبالتك

حمامة السلام حمامتك ياريس

سلامة الحمامة وسلامتك يا ريس

ياريس حمامة ياريس كويس

على تل مصر ياريتك تهيص

خرابة فسيحة عليها متيس

وأأمر تطاع فشعبك مفيص

كان في راجل بدوي

يحكي أن...
كان في راجل بدوي حكيم, سمع أن لحم الديك الرومي يخلي الجسم ما يمرضش ابدا...البدوي مكدبش خبر و جاب ديك رومي و قعد يربي فيه..يوم ورا التاني الديك بيكبر, كل شويه يبص عليه و يمني نفسه بالصحه اللي هتجيله...
في يوم صحي و راح يطمن عالديك اتفاجيء انه اتسرق...انتفض و حس بهلع شديد و جمع ولاده التلاته و قالهم:"يا أبنائي,لقد حدث امر جلل فأنتبهوا لي" فنظروا اليه و أعينهم متسعه, ثم قال:"لقد سرق الديك مني"..نظر الثلاثه الي بعضهم و أنفجرو في الضحك, ثم قالوا: "يا أبتاه, ماذا تفعل بالديك أصلا.."رد عليهم في غضب: ليس المهم الديك..المهم أنه سرق, ابحثوا عنه فورا..و في الاسبوع التالي جاء الثلاثه اليه يخبرونه:يا أبونا لقد سرق جملك" قال في غضب: أبحثوا عن الديك..و في الاسبوع التالي له جاء الاولاد الي ابوهم قائلين:يا ابونا لقد سرق حصانك, رد قائلا: أبحثوا عن الديك..و في اليوم التالي أغتصبت زوجت, فذهب الي اولاده باكيا:ما كان كل هذا سيحدث لولا أن سرق الديك..عندما عرفوا أن يمكنهم سرقه الديك خسرنا كل شيء...

الحكايه دي بحبها اوي, بس أبتديت أفكر فيها بجد اليومين اللي فاتو..حد عارف تقاليد المجتمع البدوي ؟ تقاليده زي قوانين الغابه, و البدوي عارفها بس ولاده هبل مش عارفين حاجه...القصه ليها تفسيرات كتير تنفع علي حاجات كتير و تنفع لأي وقت مع أنها قديمه جدا...يا تري حد عارف أنا قصدي ايه و لا انا قاعد بهري في مالطه ؟؟

Marina land vol1

ana lesa rage3 mel sa7el awel embare7....rg3t b2a l el za7ma w el rotoba w el metro abo ree7a gnan bs mesh dy el 2adeya, f yom nzelt ana w so7aby 3ala marina, kolohom ra7ooha 2abl keda 2ila ana..
hanro7 marina kam ya 3am ? marina 4, 2olt eshta...da5alt men el bawaba w ka2eny rg3t masr tani (bs men 3'eer el rotoba w el metro abo ree7a)...farafeer f kol 7eta (rgala ya3ni), w mozaz shmal w ymeen kont mashy w ana fate7 bo2y akeed...el mohem el nas 5adtny men 2eedi no3od 3ala Cafe keda esmo princess...w hoba b2a 3al 2ala2...tab3an ana mawareesh 7aga 3'eer eni atfarag 3al raye7 w el gy, sheshty f bo2i, w regl 3ala regl...ganby 2ala2i wa7da fag2a tel3et tegry ta5ed ba2f wa2ef bel 7odn...2odami 3yal f m2am wlady maskeen f 2edom banat ye7elo men 3ala 7abl el mashn2a, elly me7terma nafsaha feehom labsa micro....abos 3al tarabeeza elly ana 2a3ed 3aleeha 2al2ay eeeehhh ?? 3 dokora zy el fol 2a3deen yshedo nafas wara el tani, bs b2a...fedelna 2a3deen 3ala keda le3'ayet ama el 7amd llah wa7ed sa7by geh y2om yetmasha yehdem shwayet el 5an2a elly gowah ama sada2t 2afasht feeh, ha3od a3mel eh tani...mashyeen w 7awaleena villal 3al ganbeen, kol wa7da saken feeha 7arami shakl 3'eer el tani, ah ma lama 2a2al villa teb2a b million aw 2, yeb2a fe 7aga mesh tamam...lama neb2a gayeen b lancer w nemshy beeha maksofeen...yeb2a a3tared 7doth haza lamo2a5za...fedelna mashyeen le3'ayet ama 5er allahom ag3alo 5eer la2eena bo7eera...foge2t en el nas hena mabtenzelsh el ba7r zayena w tbalbat w bta3....l2 leehom bo7era b shat...w el 7aya montaha el laza...ektashaft en fe nas mesh la2ya takol w hena fe nas mesh la2ya estba7etha, fe nas bet3oom f bo7eret el magari elly taf7a 2odam bethom w fe nas hena bet3om f bo7era 3ashan el ba7r yay...bgad ya gd3an...3alem haysa w 3alam laysa...w naltaki f marina land v2 el sana el gaya w kol sana w ento msayfeen f marina ya shabab...

10 7agat ha3melhom lw ba2eet rayes

1-
هحط صوره دينا عالعلم , و بكده مصر هتبقي بجد بلد رقاصات صحيح
-2
الحنطور هتبقي اغنيه النشيد الوطني , و بكده أبقي ضربت عصفورين بحجر واحد :نشطت حركه السياحه عالكورنيش و خليت الشباب زايطين و هما بيحيوا العلم
3-
هعمل وزاره النهب....... و بكده هتبقي السرقه شرعيه ميه في الميه و مافيش وزير هينهب من تحت لتحت من ورا ضهر الشعب
4-
لابد من وجود مؤسسه حكوميه صارمه لضبط تجاره الحشيش المضروب, ممكن تسمي شرطه مكافحه الغش الحشيشي
5-
لمواكبه العصر سيتم تدريس احدث وسائل التعذيب في كليه الشرطه , حيث انها من متطلبات الاستجواب في العصر الحديث
6-
هتجوز سوزان مبارك(برضو) و هخليها تعمل مشروع الحشيش للجميع , عشان مفيش مغزي من تشجيع القراءه و الشعب متكدر
7-
عشان نواجه مشكله الديون المرطرطه سيتم تحديد تسعيره للمساجد عشان نلم فلوس مالشعب: ضهر 5 ج, عصر 10 ج, عشاء 10 ج ,جمعه 20 ج أما الفجر فللأغنياء فقط.....أه معلش يا مؤمن كله بثوابه, عاوز تخش الجنه ادفع يا حلو
8-
بما أن نانسي عجرم غنت لمصر و غنت للاهلي و حتي غنت لعيد ميلاد النونه تستحق نعمل عيد ميلادها أجازه رسميه للشعب
9-
اشمعني في بحيره ناصر و شركات نصر و مكتبه مبارك و حديقه مبارك و خلافه و انا ماليش حاجه ؟ انا بقي هخيليهم يبنو لي مدينه كده محندقه جنب الرحاب و هسميها سراج سيتي , و احتمال بعد الفينيش لو عجبتني أخليها العاصمه
10-
بعد اما احكم 30 سنه كده و ابقي أستكفيت هجهز الجيش و نروح نحارب أسرائيل...يا صابت يا خابت

-

-

قصه بلد

ربنا سبحانه و تعالي قال في كتابه الكريم ان جند مصر هم خير جنود الارض...و دي حقيقه يشهد عليها جيرانا الصهاينه(ولاد ال....) و أي حد في المنطقه, بس في حاجه بنت لذيذه أعرفها لفتت نظري ليها, ليه ربنا مقالش خير قاده الارض ؟ هل لأن فعلا اللي بيحكم مصر بيكون سجان او سياف أو حرامي ؟ و دي حقيقه من زمان...تعالو كده نرجع لأيام الفراعنه ايام لما فرعون كان قاعد عالعرش ( الفرعون ممكن يكون رمسيس او امنمحات او حتي نفرتيتي )و في 5 تحت رجله بيلمعولو الصندل و خمسه غيرهم بيعملولو مساج من اللي قلبك يحبه, هل كان بيفكر في الشعب ؟ و لا كان بيفكر انه عاوز يعمل بقي هرم جديد احسن القديم بقت موضته بلدي و مش كلاس...و لا كان عاوز يعمل تمثال دهب جديد عشان زهق من اللي قبله؟...الفراعنه كانو بينهبو مصر الحبيبه و الشعب مكانش لاقي ياكل بس محدش كان بيقول لأ عشان مكانش في جرايد معارضه و لا منتديات و لا مدونين حتي...بعد كده نيجي نشوف بقي ايه الموقف بعد 7000 سنه ؟

و الله الموقف زي ماهو !! سبحان الله لسه في فرعون شحط قاعد بيبني مش فأهرامات بقي, بيبني فلل و قصور و حاجات جميله خالص...بس الفرق أن المره دي في جرايد معارضه و نت و ...و...الخ...و كلهم بينفخو في قربه مقطوعه بس مش ده موضوعنا...
سؤال أخير : انهي أحسن , كان يبقي عندنا خير جنود الارض و لا خير قاده الارض ؟..عشان ايه لزمه جنود جامدين أوي متربين من كتر ما هما مركونين عالرف لفتره طويله جدااااا

بالعربي أحسن

من اول ما بدأت أكتب علي بلوجر و انا بكتب بالانجليش, مش عارف عاده عندي و لا ايه بس بستريح فيها...مع أني بحب العربي أكتر منها مليون مره...عشان كده أنا خدت قرار اني بعد كده هكتب بالعربي علي طول

Posers

have u ever met a poser ?
i mean these days am meetin them on regular basis - not intentionally of course - they spread long and deep into the fabric of our society...u cant even recognize them easily unless u take a closer look...and i mean real close to their very soul...the reason i brought all of this up ? hell...its because for years they've been toying with one of my most valuable treasures....Rock n heavy metal music..
f*** ! they keep on forming bands that suck...
they keep on playin music thats so horrible u wanna put a gun to ur head...its like we're livin the American music scene at the mid 80s ! when every1 can pick up a guitar and form a band...and don't forget to let ur hair down and put some sassy make-up !! i mean what the hell ??...and thats only the half of it...theres the i-dont-have-a-band kind of poser....but thats another story for another day...
the only difference between them and the glam rock shit heads that they dont have that long hair, instead they have a big pile on top of their heads...like a distorted version of Hendrix ( R.I.P )....when is it gonna stop ??..
am sure as hell i don't know ! but somebody kill those BASTAAAARDSS plzzz

Diamond in the ruff

Sometimes u achieve something amazing,something that u havent been able to do for a long time...and u just stand there with ur jaws down on the floor...did i just do this ?
Well our minds r capable of fabulous things...but we decided to lock them in a cage and throw the keys in the dirt a looong time ago....

i believe some1 once said :"the mind is a terrible thing to waste"....and hes freakin right ! i wish that we as a nation start thinkin with our god given gift...

see through ur eyes

so now here u r....doin what ppl want u to do....or what ppl expect u to do, isnt that so typical these days ? we're cravin for ppl openions, what they think abt what we do or say....we speak the way they want us to speak, we act like they want us to act.....u might say...NO ! am the king of my realm....everything i do is cuz i want to do it....look me in the eyes n tell me...really??

be urself n f*** any1 who dont like it

rg3t

b2aly 2ad eh magetsh ? shahr ? methaya2li aktar bshwaya....fe 7agat kteer 7asalet w bete7sal...its not a big deal that ive been away....the world kept on rollin without me -el nadl- n i missed it...am back anyway...n i missed everything abt blogger....

3arabeyet el rayes

N
O

C
O
M
M
E
N
T
!!!

DRUM OOOON.....

guess what day it is !!!.....its Lars ulrich birthday, n for those who don know him hes one of the best drummers ever....founder of MetallicA..(ofcourse with james), man i love that guy....when hes drummin its like....its like...i dunno but its like somethin awesome :D...one of my fav quotes is when he said abt napster : "I don't mind people downloading the songs... Just not until the album's actually out "....he stood against napster when every1 else chickened out...
he also said abt cliff burton:"I know Cliff, more than anyone else in the band, would have been the first guy to give us a kick in the ass, and wouldn't want us to sit around. It's what he would have wanted us to do"

happybirth daaay LAAAARS !!

P.S : he turned 43, another old geezer on the drums, lol

happy endings...

what the hell happened to this world, ppl sayin aint no real love in this world, aint no happy endings, why is that...cuz we say so ?...or cuz we tell ourself so...every1 convincin himself that happy endings exists only in movies, and let me ask u somethin...who made these movies ? aliens ? they r ppl like us..flesh n blood, they went to high school like we did, went to colleges, they lived a normal life...but they were gifted, the only difference between us n them is that they stopped to smell the beauty of love, they were inspired by true love stories, thats why we have all this romantic movies, its not made up...real love is out there, sometimes u search for it n find it, n sometimes it searchs for u...its only a matter of time...

Searching quest

I was just talkin with my soulmate and she said somethin' that made me think...she was searching for a friend of hers online, i asked if she knew if he was comin or not, she said he should have been here a while ago...so i said do u know his online nick ? she said no....but he knows mine....and she just sat online waitin for him....i was like...wow! n i asked myself, would i do the same for a friend of mine ? would i wait for him if i missed him n there is no other way i could reach him ? searchin in a chat room that he used to sit in, would i do that ?..and even if i did, how long will i wait ? 1 hour ? 2 hours ? 5 minutes ?...what if he doesnt come...will i wait for him next night ?...its amazing how carin for some1 make u do...how many of us r still doin that ?
go in a search quest...for a long missed friend, or a loved one ?...even in our real life ? have we stopped searching ? have ppl given up hope for good?...is there a friend that is willing to search for us when we're in our deepest darkness ? some1 that's ready to grab our hand and guide us back to the light....i dunno but i hope that u begin ur search quest...search for ur soulmate...ur love..or maybe even urself !

Different?

u know these days is very special to me, cuz ive been in the dark for so long n am out, and let me tell u it aint pretty....i dunno why it took me so long to come out, maybe sometimes our demons wanna keep us in the dark, want to suck the light, hope, strength from our soul, or maybe sometimes u convince urself that this is my world n i cant change.. thats what iv been livin in....i was haunted by my demons for so long...i was weak, so weak that i surrendered...i wasnt doin anything...pushed my friends away, pushed my family away....i was like: this is my world and i don want u in it.....but not because i hated them(my family or friends), But its because i hated myself...i didnt want them to have anything to do with a creature like me...i gave this a looong thought, why am i doin this? and it hit me like a freight train...its cuz i am so sick of this world we're livin in that i had to isolate myself from it...why? i dunno, maybe cuz am different...maybe i felt that theres no place for me in this life...but all this s*** ive been through made me realize somethin...
even if ur different, even if every1 cares abt things that u don give a crap abt...even if ur mind works in a different way, u have to blend in the fabric of society....u have to roll with it, maybe u can change how some ppl think, maybe u can learn somethin new from them...don just isolate urself from ppl...i think bein' different is a bliss...

Fresh !

To be able to give ppl a piece of ur mind when most of the minds r gone fishin' feels real gr8, whats the point ? the point is that there is no need to have a point....u just unleash ur mind and let it burst with ideas, its not important if its right or wrong, its not important if its good or bad, the only thing that does matter is to be true and straight from ur heart...and thats in my openion whats BLOGGER is really abt...