في حرب غير معلنه بين البنات و الولاد في مصر, ممكن تكون مش ظاهره اوي بس موجوده..بالضبط زي الحرب البارده اللي كانت بين أمريكا و روسيا...أنا بقي سميت دي الحرب الناعمه..
مين مش بيحب البنات ؟ ساعات بيبقو زي العسل و الحياه مستحيله من غيرهم...و ساعات بيبقو زنانين و متعبين, بس مش مشكله كله يهون عشان كتف حنين مستني الواحد في بيته يهون عليه تعب اليوم كله...
و ده كلام مش من عندي ده اصلا الدين بيشجع العلاقه بين الرجل و المرأه ( في الحلال اكيد),بس في ظاهره غريبه اوي أبتديت الاحظها من فتره ان الطبقه الهاي كلاس من بنات مصر بقم تنكين اوي, تنكين يعني لما ييجي واحد يكلمهم بيعاملوه بطريقه بارده جدا...الكلام ده لاحظته أنا و اصحابي كتير...و في جانب أخر من البنات دول واخد من الرجاله موقف و حاسس انهم جنس اقل منهم فكريا...لدرجه اني في في مصر انتشار واسع جدا للبنات ال...اللي بيحبو البنات لامؤاخذه يعني و مع اهتمام الاعلام و الناس بالمثليين جنسيا من الرجاله...في حاله نسيان و محدش حاسس بالشواذ في البنات...أكيد في منهم عندهم أسبابهم اللي معرفهاش بس اللي أعرفه أن في منهم كتير اتجهو للشذوذ ده عشان بيحتقرو الرجاله و مش بيحبو حد منهم يلمسهم....
العلاقات في مصر بقت غريبه و مقرفه, انا شفت عالنت بنات كتير اوي...اوي, بيهاجمو الرجاله بطريقه او باخري...يعني مش بطريقه همجيه, لأ بطريقه ناعمه و من تحت لتحت و بتعليقات وسط الكلام...
انا مش عارف البلد دي بقت بيحصلها ايه كله متحفز للتاني في كل مكان...
في الشارع...
في المواصلات....
في القهاوي....
و دلوقت حتي الجنسين بقت بينهم مشاكل و خلافات, و الغريبه ان عدد الولاد اللي شفتهم بيحتقرو المرأه او بيهاجموها هما اتنين :أنيس منصور و واحد صاحبي !!
اما اللي شفتهم بيهاجمو الرجاله......أستنو اما أجيب الكالكيلاتور احسن دي حسبه صعبه !!ء
2 comments:
اما حال البلد فهو بايظ كدا من زمان
و الحرب دى بدأت من فترة فعلا
خصوصا بعد ظهور حقوق كتير للمرأة بسبب ماما سوزان
و اما موضوع الأخوات المثليات فهو فعلا انتشر اوى
و انا كنت ناوية اعمل بوست عنه من معلوماتى الخاصة عن العالم دا خصوصا عند البنات
اما بئا انيس منصور , فالله يسامحه
الراجل دا مش عاتق المرأة
mestani mawdoo3ek...
w anis mesh ba7bo awi bs bsara7a beyeb2a 3ando 7a2 f 7agat kteer :P
Post a Comment