و جاءت اللحظه التي كنت أخشي منها طيله الايام الماضيه....
انها اللحظه التي أقول فيها: يلعب أبو اللي عاوز كتابه...
في خلال تقريبا 9 اشهر -عمر هذه المدونه تقريبا- أنا كتبت حوالي 23 موضوعا..طبعا العدد قليل جدا بس هقول ليه بعد شويه... حجم الردود ضعيف جدا...شيء متوقع و لكنه محبط ...انا كنت فاكر ان العيب مني أو حاجه فكنت بغيب من غير كتابه بالاشهر... بس و الله اعلم طلعت مش انا لوحدي ,انا شفت المشكله دي في كل حته عالنت..مدونات زي الفل و جميله جدا مفيش حد عبرها...أنا أعرف مدونه اسمها اصوات من أحلي المدونات اللي قريتها, و فيها أكتر من 120 موضوع ...و عدد التعليقات تقريبا 15 مثلا...كلهم علي بعضهم....و في نفس الوقت دخلت علي مدونات عاديه جدا...مش مميزه و في نفس الوقت مش وحشه...لكن كم التعليقات فيها كبير -اللهم لا حسد يعني- بس فعلا ظاهره غريبه مش عارف ايه سببها...
في عصر الشبكه العكبوتيه تقريبا بتتوه المدونات من بعضها و كلنا قاعدين ننده في مالطه و محدش سامع حد, الاف المدونات المدفونه...من يهيل عنها التراب....
بس لغايه أما حد يشيل التراب انا هعمل اللي بعمله دايما...هغيب كام شهر و أرجع..ألا لو أتحمست فجاه و نفضت لكل حاجه و أعتبرت المدونه دي زي مذكراتي... الناس هتقراها بعد ما أموت...الناس بقي دول يبقو ولادي...مراتي...عفاريت زرق..مش مهم... المهم اني سبت حاجه من بعدي ليها أي لازمه...
و بالمناسبه اني علي وشك دخول بيات شتوي مؤقت او شبه مؤقت احب اعزي في مدونه واحده صديقتي لأن المدونه تعيشو انتو...فقدت الامل و بطلت تكتب فيها مع ان فيها حاجات حلوه و مافيش مدونات في مصر كلها زيها كتير....اللينك أهو لعل و عسي...
http://www.ronnunism.blogspot.com/
و سلامو عليكو اشوفكو بكره او بعد كام شهر كده...حسب المزاج
انها اللحظه التي أقول فيها: يلعب أبو اللي عاوز كتابه...
في خلال تقريبا 9 اشهر -عمر هذه المدونه تقريبا- أنا كتبت حوالي 23 موضوعا..طبعا العدد قليل جدا بس هقول ليه بعد شويه... حجم الردود ضعيف جدا...شيء متوقع و لكنه محبط ...انا كنت فاكر ان العيب مني أو حاجه فكنت بغيب من غير كتابه بالاشهر... بس و الله اعلم طلعت مش انا لوحدي ,انا شفت المشكله دي في كل حته عالنت..مدونات زي الفل و جميله جدا مفيش حد عبرها...أنا أعرف مدونه اسمها اصوات من أحلي المدونات اللي قريتها, و فيها أكتر من 120 موضوع ...و عدد التعليقات تقريبا 15 مثلا...كلهم علي بعضهم....و في نفس الوقت دخلت علي مدونات عاديه جدا...مش مميزه و في نفس الوقت مش وحشه...لكن كم التعليقات فيها كبير -اللهم لا حسد يعني- بس فعلا ظاهره غريبه مش عارف ايه سببها...
في عصر الشبكه العكبوتيه تقريبا بتتوه المدونات من بعضها و كلنا قاعدين ننده في مالطه و محدش سامع حد, الاف المدونات المدفونه...من يهيل عنها التراب....
بس لغايه أما حد يشيل التراب انا هعمل اللي بعمله دايما...هغيب كام شهر و أرجع..ألا لو أتحمست فجاه و نفضت لكل حاجه و أعتبرت المدونه دي زي مذكراتي... الناس هتقراها بعد ما أموت...الناس بقي دول يبقو ولادي...مراتي...عفاريت زرق..مش مهم... المهم اني سبت حاجه من بعدي ليها أي لازمه...
و بالمناسبه اني علي وشك دخول بيات شتوي مؤقت او شبه مؤقت احب اعزي في مدونه واحده صديقتي لأن المدونه تعيشو انتو...فقدت الامل و بطلت تكتب فيها مع ان فيها حاجات حلوه و مافيش مدونات في مصر كلها زيها كتير....اللينك أهو لعل و عسي...
http://www.ronnunism.blogspot.com/
و سلامو عليكو اشوفكو بكره او بعد كام شهر كده...حسب المزاج
8 comments:
عارفة فعلا أد ايه موضوع عدم الرد او قلة الردود بيكون محبط جدا
اعرف بردو مدونة جميلة اوى
و عدد الردود فيها قليلة , يعنى مش على قدر و جحم المدونة
بالنسبة ليا ساعات اه باحس باحباط و ساعات مش باركز
و سبب عدم التركيز انى باحس ان مدونتى اقل من عادية و لسة بادئة فيها فعادى ان محدش يرد
بس اللى اقدر اقوله ان مدونتك جميلة بجد و دماغك حلوة , ربنا يكرمك :)
لا متقوليش كده مدونتك كويسه و ان شاء الله تبقي أحسن مع الوقت
شكرا حكايه, تعليقاتك دايما بتنور البلوج بتاعي
مش عارفة اقول لك ايه
بقالي اكتر من سنة في التدوين وقبله فترة طويلة في المنتديات وتقريبا السمات المشتركة واحدة
الشللية هي المحرك الاساسي وراء كثرة الردود
ونوعية الردود
فصعب مثلا تدخل تلاقي ناس بتختلف في ردودها مع صاحب المدونة وكأن التعبير عن راي مختلف جريمة في حق صاحب المدونة يخاف اصحابه ان يصدموه به
ثم ان هناك نوعية من الناس تدخل ترد لمجرد الرد والسلام بطريقة ايه الجمال ده وايه الحلاوة دي
فطبعا لااعتقد ان نوعية من هذه الردود تنفع او تفيد لو وجدت في اي مكان
نسيت اقول لك اني ايضا وعلى فترات متباعدة اصاب بهذا الاحباط وابتعد عن التدوين
يعني ابتعد عن الكتابة او الردود
ولكني اتابع
وسبق واغلقت عدة مدونات
يعني سوابق في موضوع الاحباط ده
هههههههههههههه
مافيش داعى ابدا للاحباط الا اذا كنت معتقد او ناوى انك تغير الكون بكام بوست وتخلص
الموضوع اكبر من كدة
وعمر ما كان عدد التعليقات او عداد الزوار (اللى ممكن تلعب فية براحتك بالفرونت بيج)مقياس اودليل
وناس قبلك قالوا نفس الكلام
و تكملة لكلام بيلا
فاغلس حاجة فى عالم التعليق فهى الموديراشن كومنت حقيقى انا بطلت اعلق عند حد عامل الخاصية دى لدرجة انى اخترعت دعاء نشر التعليق علشان واحد يرضى ينشر تعليقى
دى ناس عندها نرجسية مفرطة وتضخم فى الانا العليا وحاجات وحشة فى الانا السفلى
دعاء نشر التعليق
Bella
كونك سوابق :D طمني شويه
صبرتيني عاللي أنا فيه, شكرا عالتعليق
-------------------------------------
Adhm
حلوه دعاء نشر التعليق دي, ضحكتني و الله
أما بالنسبه لتغيير العالم فانا عارف أني مش هغيره و لا هغيرالمعادي حتي
بس أنا كان قصدي ان لو 5, 6 بني أدمين علقو بتحس أن في متابعه و في حد بيشوف
انا بصيت في المدونات اللي بعتهالي و قريت موضوع القاريء الخفي و عجبني, فعلا اكيد الموضوع ده بيحصل
اما حكايه الموديريشن كومنت, لو قصدك يعني لما تعمل كومنت و يقولك waiting for approval
ف دي متهيألي صاحب المدونه بيعملها أحتطياطي عشان لو حد شتم و لا بتاع
و عالعموم شكرا علي تعليقك
انت عارف الموضوع بس بيبقى محتاج نوع من الاعلانات كدة في الاول
اقصد تزرو و تعلق في مدونات كتير عشان كدة الناس مش عارفة المدونة
انما كدة انت زي اللي قاعد في اوضة تجنن و محدش عارف انها فيها حد و مبتتزارش عشان كدة
سلام يا نجم
i wish ron would write again, sometimes i used to find pieces of me in her writings..
wish she'd write again.
keep up ur gd work ya tasla \m/
Post a Comment