الجزء الخامس (قبل الاخير)
أنا: هما الحريم بيبقو كده ساعات
ساره(بأستنكار) : أيه دااا ؟؟!!
أنا:أيه.....مالك ؟
ساره:ايه حريم دي ؟!!هوا أحنا عبيد ؟؟!!
انا: بصراحه في بنات بشوفهم بيخلو الواحد يفكر كده!!ء
***************
مهند:يا بني في مارينا مش محتاج تروح تظبطهم, هما اللي هييجو يظبطوك...ء
*****************
مدون(لا داعي لذكر أسمه): الشباب بقي مش قادر يستحمل...شوفو انتو بتلبسو ايه في الشوارع!!
واحده بتعلق: و احنا مالنا !! اللي مش عاجبه يبص الناحيه التانيه!!!ء
*****************
بعد كل الحواديت دي و بعد كل البوستات اللي أنا بعتها عن حوا...جه وقت اني أقول شويه كلام في نفسي من زمان, عشان المره الجايه هي الاخيره ان شاء الله....
في ناس بقم يبصو للستات علي أنهم مجرد وعاء جنسي يشبع فيه رغباته و شكرا, و دي حاجه في ستات كتير بيشتكو منها...
لكن المسئول عن الكلام ده هي المرأه نفسها !!تعالو نعدي علي الكليات كده...عشان فيها الجيل الجديد من البنات اللي هيتخرجو و يشتغلو و يبقو (في المشمش) امهات....
أكتر من نص اللي متحجبين, متحجبين غلط, و اللي مش متحجبه في معظم الاوقات بتعمل حاجات اقل حاجه تتقال عليها أنها حاجات تكسف...
لو سألت اي واحده فيهم ليه كده هتقولك: و فيها أيه...انا حره!! أو ايه قله الادب دي, ده انا محترمه أكتر منك!!
و مش بعيد تعيط ال يعني مشاعرها أنجرحت...مع أن هي اصلا من جواها عارفه أنها غلط...
و بعد كده المفروض الشباب يفكرو ازاي ؟ اكيد معظمهم هياخد البنت بجسمها و شكلها مش بعقلها,لأن هي اللي ادتله الفرصه...
و فكر في اللي هقوله ده:
لما تفتح مزيكا تلاقي موديلز من كل شكل و لون بيتش..قصدي بيترقصو...
لما تلاقي بنات اعدادهم في الليمون ماشيين بهاف ستوماك و بنطلون مقاس اختها الصغيره...
لما تلاقي كميه غير طبيعيه من البنات بقم يستريحو في لبس البيكيني...
هتكون ايه وجهه نظرك عن -سوري- الحريم !
هتقول يا سلام علي الحريه!! و لا يا سلام علي فكر المرأه العالي!!
و لا هتقول ايه الحاجات الحلوه دي !!
و لما تحصل تحرشات جنسيه الدنيا تقوم و متعدش !!أمال ايه المتوقع ؟ ان الشباب يكبتو اللي جواهم ؟ في ناس هتكبت لكن في ناس أخلاقها مش هتساعدها و ده شيء طبيعي جد لأن مهما تقدم الانسان غرائسه الاساسيه لسه عايشه جواه..ساعات بيتحكم فيها و ساعات مش بيقدر...و متقوليش الكلام بقي بتاع ايه اللي يفرق الانسان عن الحيوان و الديباجه دي...
لأن شيء طبيعا جدا لما تحط البنزين جنب النار الدنيا هتفرقع!! عشان دي خصائصه (الطبيعيه)
أنا مش بدافع عن التحرش لا سمح الله, أنا بس بقول ان التحرش نتيجه لعوامل محدده...طبعا في حالات فرديه لبنات كانو محترمين و كل حاجه, بس مش بيعبرو عن الأغلبيه من التحرشات......
بس المتحرش ده تم غسيل مخه عن طريق الافلام و الدش و الشارع و الاعلانات و النت...بقي بيشوف لحم رخيص في كل حته...مستني منه ايه ؟
و بعد كل ده.....أنا مستغرب ان في ستات في مصر بيتكلمو عن اضطهاد المرأه !!
لأ و الاغربأن في تانيين بيتكلمو عن تفوقها و ريادتها!! تفوق في ايه محدش عارف...
التصريح الاول صح بس زي ما الراجل غلطان فيه, الست هي اللي أديتله الفرصه....
و التاني بقي ممكن أقوله...هاهااااي!
و عشان يبقي فيه موضوعيه...في كبت بيحصل للبنات بطريقه جامده...يعني البنت بتعامل كأنها كرسي لا يستطيع التفكير أو الاعتماد علي نفسه...
انا ليا واحد صاحبي بيوصل اخته معظم الدروس و ابوه بيوصلها الباقي...الكلام ده جميل جدا لو الدرس بعيد عن البيت أو مثلا الدنيا ليل و متأخره....
الغريبه أن الدرس جنب بيتهم و بيبقي الساعه 5 !!
ده غير بقي الخروج...البنت متعدش برا البيت بعد الساعه سبعه مثلا و في ناس بيقفلوها علي 6 !!
الغريبه اننا في 2007 و لسه في ناس بتفكر كده...
طبعا عشان كده - من غير مزعل حد - في بنات كتير من بره هلا هلا و من جوه يعلم الله...يعني البنت تلاقي شكلها كوتوموتو خالص و محترمه و كل حاجه...و مثلا ساعات تلاقيها بتشيش مع صاحباتها في حته بعيده عن البيت...
او تلاقيها بتشرب سجاير من ورا اهلها...كل ده من رأيي نتيجه لكبتها, فتبقي عاوزه تتمرد..
عاوزه تعمل حاجه محرمه عليها بغرض العند مش أكتر...
انا ليا واحد صاحبي كان مسافر تبع الكشافه المصريه لأنجلترا, و معاه 30 الف شاب من جميع أنحاء العالم...طبعا كل بعثه من كل دوله بتسافر مع بعضها, البعثه الهولنديه مع بعضهم و التركيه مع بعض و المصريه و ...و ...و...
قالي يا بني أحنا اتعرفنا علي بعض كلنا ولاد و بنات في الطياره...بس لما نزلنا في المطار و طلعنا و بقينا في أنجلترا.... في بنات قلت عليهم كويسين جدا أتفاجأت انهم بيطلعو من الشنط خراطيش سجاير !!خراطيش مش علب!!
يعني من الاخر جوه بلدها و الناس عارفاها خضره الشريفه...لما تسافر بقي تعمل اللي هي عاوزاه!!
ده غير ان في بنات ساعه السفر كانو بيودعو ولاد بالحضن !! مستحيل كانت تعمل كده في مصر حتي لو وسط مكان محدش عارفها فيه...
يعني من الاخر لولا أن في تقاليد و أعراف حاكمه بنات كتير(مش كل البنات أكيد) , كان زمانهم عملو اللي ما يتعمل!!
أنا عارف أن الكلام ده ممكن يزعل بنات كتير بس للاسف هي دي الحقيقه المره و في ناس كتير عارفاها ولاد و بنات....
خلاصه القول من غير رغي كتير ......شكل عصر الحريم راجع !!
و هكمل الجايه ان شاء الله
6 comments:
لحقت حجزت لوج عندك اهو
انت محضر شوية مواضيع تقيلة اهو هتخلي الحنس الناعم يثور عليك
بس شكله فعلا عصر الحريم راجع تاني
و نرجع شهرايارات بقى زي زمان
مستني تكملتك
سلام مؤقت
ههههههه
لوجك محجوز دايما يا معلم
دانا عاوزهم يثورو, نفسي أعرف هيقولو ايه
راجع العصر ده متخافش, بس قول يا رب
شكرا عالمشاركه
ممممممم
للأسف كلامك صح
و زى ما قلت قبل كدا الرجوع للدين ممكن يصلح كل دا
اولا هنعرف ان خير الأمور الوسط , يعنى لا التحرر اوى صح ولا التشدد صح , لازم نكون وسط بينهم
و كمان البنت تكون محترمة فى لبسها , و الولد يعرف انه بردو لازم يتقى ربنا و ميطلقش عينه كدا عمال على بطال
و مش هننافق و نضحك على نفسنا قبل اى حد , لأننا هيكون عندنا القيم اللى تخلينا ملتزمين بالصح أدام ربنا قبل الناس
بس نقول لمين , الدين ضاع خلاص
ربنا يهدينا
تحياتى , و منتظرة آخر موضوعاتك عن المرأة :)
عزيزي تسلا لا توجد في منطقتنا العربيه ثقافة أحترام المرأه ولو جيت للحق دا شئ مقرف
الست مش بس جسد ينظر إليه الست روح وعقل زيها زي الرجل وانا عن نفسي بعتبر أي شخص ينظر للمرأه نظره دونيه متخلف
تحياتي ليك ):
حكايه
أزيك؟...للأسف الدين (بيضيع) بس لسه مضاعش
بس خليكي واقعيه, في حاجات بتخلي الشباب يطلقو عينيهم عليها غصب عنهم !!
طبعا غلط بس حاجه شبه سائده
ربنا يهدي الجميع
ايجيبت أيز
عندك حق فعلا, و كمان ده مش أحنا بس بره الست بقت سلعه برضو بيستخدموها عشان تجيب فلوس
شكرا عالمشاركه
بوص يا تسلا
مش هقولك بقى زى البنات العبيطه اللى تقول لما الولد يشوف بنات مايصه ولابسين قالعين يبص الناحيه التانيه.. دا على اساس انه ملاك مثلا
بس المفروض اننا بدانا نتحرر بس مش نتحرر من هدومنا لا التحرر انى افكر بدماغى واختار اللى انا عيزاه ولو غلط يسيبونى اعمل الغلط علشان اتعلم ولكن بشرط انى مش اسئ لاى حد وبدون ما اسئ لنفسى وشخصيتى ودينى بعد كدا
بس اللى بيتعمل دلوقتى انى حرة انى اقلع وانى اسهر لحد الفجر واشرب سجاير واشيش واضرب يبقى ترد على البنات دى بكلمه واحدة
طوز فيكى....وفى تحررك
Post a Comment